ஐபிஎல் தொடரில் 34-வது போட்டியில் ராஜஸ்தான் ராயல்ஸ் – டெல்லி கேபிட்டல்ஸ் அணிகள் மோதியது. மும்பை வான்கடே மைதானத்தில் தொடங்கிய இந்த போட்டியில் டாஸ் வென்ற டெல்லி அணி பந்துவீச்சை தேர்வு செய்ய, முதலில் பேட்டிங் செய்ய ராஜஸ்தான் அணியின் தொடக்க ஆட்டக்காரர்களாக ஜோஸ் பட்லர் – படிக்கல் களமிறங்கினார்கள்.
இவர்களின் கூட்டணி அதிரடியான தொடக்கத்தை கொடுக்க, பட்லர் தனது அரைசதத்தை நிறைவு செய்தார். மறுமுனையில் சிறப்பாக ஆடிவந்த படிக்கல் அரைசதம் எடுத்து 54 ரன்கள் எடுத்து வெளியேற, பின்னர் களமிறங்கிய சஞ்சு சாம்சன் அதிரடியாக விளையாடி 19 பந்துகளில் 46 ரன்கள் எடுத்து தனது விக்கெட்டை இழந்தார்.
அவரைதொடர்ந்து அதிரடியாக ஆடிவந்த பட்லர் 116 ரன்கள் எடுத்து தனது விக்கெட்டை இழந்தார். இறுதியாக ராஜஸ்தான் அணி, 20 ஓவர்கள் முடிவில் 223 ரன்கள் எடுத்தது.
224 ரன்கள் எடுத்தால் வெற்றி என்ற இமாலய இலக்குடன் களமிறங்கிய டெல்லி அணி துவக்க வீரர்கள் பிரித்திவ் ஷா மற்றும் வார்னர் அதிரடியாக விளையாடினர். ஆனால் வார்னர் 14 பந்துகளில் 28 ரன் எடுத்த போது அவுட் ஆனார்.
பின்னர் பிரித்திவ் ஷாவும் 37 ரன்னில் வெளியேற, சர்பராஸ் கான் 1 ரன்னில் ஆட்டமிழந்து அதிர்ச்சி கொடுத்தார். கேப்டன் ரிஷப் பண்ட் மட்டும் நிதானமாக விளையாடி 24 பந்துகளில் 44 ரன்கள் எடுத்தார்.
அவருக்கு கைகொடுத்த யாதல் 37 ரன்னில் வெளியேற, அக்ஷர் படேல், தாகூர் அடுத்தடுத்து அவுட் ஆகி அதிர்ச்சி கொடுத்தனர். 19வது ஓவரை வீசிய பர்ஷித் கிருஷ்ணா ஒரு விக்கெட்டு ரன் ஏதும் கொடுக்காமல் மேடின் செய்தார்.
6 பந்துகளுக்கு 36 ரன் தேவைப்பட்ட போது, களத்தில் இருந்த போவெல் முதல் மூன்று பந்துகளை சிக்சருக்கு விளாசி ராஜஸ்தான் அணியை திக்குமுக்காட வைத்தார். ஆனால் அந்த பந்து நோ பால் என டெல்லி அணி வீரர்கள் கோரிக்கை வைத்தனர். ஆனால் அம்பயர் மறுப்பு தெரிவித்தார்.
இறுதியில் 15 ரன்கள் வித்தியாசத்தில் ராஜஸ்தான் அணி வெற்றி பெற்று 10 புள்ளிகளுடன் மீண்டும் புள்ளிப்பட்டியலில் முதலிடத்தை பெற்றது.
ஜம்மு காஷ்மீர் பஹல்காம் பயங்கரவாத தாக்குதலில் இறந்த நெல்லூர் மாவட்டம் காவலியை சேர்ந்த மதுசூதன் ராவ் சோமிசெட்டியின் உடலுக்கு துணை…
புதுமைனா கமல்ஹாசன்தான்! சினிமாத்துறையை பொறுத்தவரை கமல்ஹாசன் பல நவீன தொழில்நுட்பங்களை அறிமுகம் செய்துள்ளார். இது பலருக்கும் தெரிந்த செய்திதான். ஆனால்…
தெலங்கானா மாநிலம் குமுரம்பீம் ஆசிபாபாத் மாவட்டம் ஜெய்னூர் மண்டலம், அடேசரா பழங்குடியினர் கிராமத்தைச் சேர்ந்த ரம்பாபாய் - பத்ருஷாவ் தம்பதியினரின்…
அடுத்த படத்துக்கு யார் இயக்குனர்? அஜித்குமார் நடிப்பில் வெளியான “குட் பேட் அக்லி” திரைப்படம் ரசிகர்கள் மத்தியில் நல்ல வரவேற்பை…
தமிழகத்துக்கு அடுத்த வருடம் சட்டமன்ற தேர்தல் நடைபெற உள்ளது. இதனால் அரசியல் கட்சிகளிடையே கூட்டணி, தேர்தல் வியூகம் என அடுத்தடுத்து…
இசைப்புயலுக்கு வந்த சோதனை ஏ.ஆர்.ரஹ்மான் என்னும் இசைப்புயல் 32 வருடங்களுக்கு மேல் வீரியம் குறையாமல் வீசிக்கொண்டே இருக்கிறது. இக்கால தலைமுறைக்கும்…
This website uses cookies.