இந்தியா – இங்கிலாந்து அணிகளுக்கு இடையிலான 3வது டெஸ்ட் கிரிக்கெட் போட்டி ராஜ்கோட்டில் இன்று தொடங்கியது. இந்தப் போட்டியில் சர்ஃப்ராஸ் கான் மற்றும் துருவ் ஜுரேல் ஆகியோர் அறிமுக வீரர்களாக களமிறங்கினர்.
போட்டி தொடங்குவதற்கு முன்பாக அறிமுக வீரருக்கு வழங்கப்படும் தொப்பியை சர்ஃபிராஸ் கான் பெறும் போது, அவரது தந்தை உள்பட குடும்பத்தினர் கண்ணீர் விட்ட சம்பவம் மைதானத்தில் இருந்தவர்களை நெகிழ்ச்சியடையச் செய்தது.
இதைத் தொடர்ந்து, டாஸ் வென்ற இந்திய அணி முதலில் பேட்டிங் தேர்வு செய்தது. ஜெய்ஸ்வால் (10), கில் (0), ரஜத் பட்டிதர் (5) ஆகியோர் அடுத்தடுத்து விக்கெட்டை இழந்து அதிர்ச்சி கொடுத்தனர்.
மறுமுனையில் நிலைத்து நின்று ஆடிய கேப்டன் ரோகித் ஷர்மாவுடன் உள்ளூர் வீரரான ஜடேஜா இணைந்து சிறப்பான ஆட்டத்தை வெளிப்படுத்தினர். சிறப்பாக ஆடிய ரோகித் ஷர்மா 131 ரன்கள் குவித்து ஆட்டமிழந்தார்.
பின்னர், அறிமுக வீரரான சர்ஃபிராஸ் கான் களமிறங்கினார். சிறப்பாக ஆடிய இவர் அரைசதம் அடித்து அசத்தினார். 99 ரன் எடுத்திருந்த போது, சதத்திற்கான ரன் எடுக்க முயன்ற ஜடேஜா, பின்னர் வேண்டாம் எனக் கூறியதால், எதிர் முனையில் இருந்த சர்ஃபிராஸ் கான் ரன் அவுட்டானார். இது மைதானத்தில் இருந்த இந்திய ரசிகர்களை அதிர்ச்சிக்குள்ளாக்கியது.
மேலும், சர்ஃபிராஸ் கான் குடும்பத்தினரும் அதிர்ந்து போயினர். அதேவேளையில், ஜடேஜாவின் தவறான அழைப்பால் சர்ஃபிராஸ் கான் ரன் அவுட் ஆனதால், டிரெஸ்ஸிங் ரூமில் இருந்த கேப்டன் ரோகித் ஷர்மா, கடுப்பாகி தொப்பியை ஓங்கி தரையில் அடித்தார். இது கேமிராவில் பதிவாகியது.
இந்த சம்பவம் நடந்தாலும், மறுமுனையில் நிதானமாக ஆடிய ஜடேஜா சதம் அடித்தார். முதல் நாள் ஆட்டநேர முடிவில் இந்திய அணி 5 விக்கெட் இழப்பிற்கு 326 ரன்கள் குவித்திருந்தது.
கனிமா… கார்த்திக் சுப்பராஜ் இயக்கத்தில் சூர்யா நடித்துள்ள “ரெட்ரோ” திரைப்படம் வருகிற மே மாதம் 1 ஆம் தேதி வெளிவரவுள்ளது.…
கார் ரேஸில் ஈடுபாடு நடிகர் அஜித்குமார் தற்போது பல்வேறு நாடுகளில் கார் பந்தயங்களில் ஈடுபட்டு வருகிறார். இரண்டு மாதங்களுக்கு முன்பு…
கோவை அரசு மருத்துவமனை வளாகத்தில் புதியதாக கட்டப்பட்ட காத்திருப்போர் அறையினை கோவை தெற்கு தொகுதி பாஜக சட்டமன்ற உறுப்பினர் வானதி…
நடிகை திரிஷா தென்னிந்திய சினிமாவை ஆட்டிப்படைத்து வருகிறார். 20 வருடங்களுக்கு மேலாக தொடர்ந்து சினிமாவில் நடித்து வருகிறார். பொன்னியின் செல்வன்…
திருப்பூர் மாவட்டம் பல்லடத்தை அடுத்த பொங்கலூர் பகுதியில் வடக்கு மாவட்ட திமுக இளைஞரணி சார்பில் மத்திய அரசை கண்டித்து கண்டன…
ஹோட்டலில் இருந்து தப்பியோட்டம் மலையாளத்தில் மிக முக்கியமான நடிகராக வலம் வருபவர் ஷைன் டாம் சாக்கோ. இவர் சமீபத்தில் அஜித்குமாரின்…
This website uses cookies.