பிரபல ஸ்ரீ கிருஷ்ணா ஸ்வீட்ஸ் குடோனில் திடீர் தீ… நள்ளிரவில் அடுத்தடுத்து தீ விபத்து : போலீசார் விசாரணை!!!

Author: Udayachandran RadhaKrishnan
18 December 2022, 11:25 am

கோவை கவுண்டம்பாளையம் பகுதியில் கிருஷ்ணா ஸ்வீட்ஸ் நிறுவனத்திற்கு சொந்தமான இனிப்பு வகை தயாரிக்கும் குடோன் உள்ளது. அந்த இடத்தின் அருகில் அட்டைப்பெட்டிகள் அடுக்கி வைக்கப்படும் அறையும் உள்ளது.

இந்நிலையில் இன்று இரவு திடீரென அந்த அட்டைப்பெட்டி வைக்கப்பட்டிருந்த அறையில் தீ விபத்து ஏற்பட்டது. இதன் காரணமாக அப்பகுதியில் கடும் புகை மூட்டம் நிலவியது.

தீ வேகமாக எரிவதை பார்த்த அந்நிறுவன ஊழியர்களும், பொதுமக்களும் உடனடியாக தீயணைப்புத் துறையினருக்கு தகவல் தெரிவித்தனர். சம்பவ இடத்திற்கு இரண்டு வாகனங்களில் சம்பவ இடத்திற்கு விரைந்து வந்த தீயணைப்புத் துறையினர் நீண்ட நேரம் போராடி தீயை அணைத்தனர்.


மின்கசிவு காரணமாக அட்டைப்பெட்டி வைக்கப்பட்டிருந்த அறையில் தீ விபத்து ஏற்பட்டது முதல் கட்ட விசாரணையில் தெரிய வந்துள்ளது. தீ விபத்து காரணமாக அப்பகுதியில் சிறிது நேரம் பரபரப்பான சூழல் நிலவியது.

  • actor ramki shared vivek memories விவேக் படத்தை பார்க்கவே மாட்டேன், பார்த்தால் அவ்வளவுதான்- மனம் நொந்த ராம்கி