காவாகுளம் கிராமத்தில் ‘பூந்தி ரோடு’… தரமற்ற சாலைக்கு ‘பட்டப்பெயர்’ சூட்டிய கிராம மக்கள் கிண்டல் ; வைரலாகும் வீடியோ..!!

Author: Babu Lakshmanan
5 August 2023, 12:03 pm

ராமநாதபுரம் மாவட்டம் கடலாடி தாலுகா காவாகுளம் கிராமத்தில் புதியதாக 20 லட்ச ரூபாய் மதிப்பில் அமைக்கப்பட்டுள்ள சாலைக்கு அப்பகுதி மக்கள் “பூந்தி சாலை” என பட்டப் பெயரை சூட்டி, அப்பகுதி பொதுமக்கள் தங்களின் எதிர்ப்பை பதிவு செய்துள்ளனர்.

கடந்த பல ஆண்டுகளுக்கு முன்பு போடப்பட்ட சாலை மிகவும் சேதம் அடைந்ததால் புதிதாக சாலை போட அரசு தரப்பில் டெண்டர் விடப்பட்டு, தனியார் ஒப்பந்ததாரர் மூலம் அங்கு ரூ. 20 லட்ச ரூபாய் மதிப்பில் சாலை போடப்பட்டுள்ளது.

ஆனால்இ மிகவும் தரமற்ற முறையில் சாலை அமைக்கப்பட்டுள்ளதாக அந்த பகுதி மக்கள் குற்றம் சாட்டியுள்ளனர். குறிப்பாக கூட்டி பெருக்கி கைகளில் அழும் அளவிற்கு சாலை மிகவும் மோசமான அளவில் போடப்பட்டுள்ளதால், அரசு அதிகாரிகள் சாலையின் தரம் குறித்து தர கட்டுப்பாட்டு துறையினர் நேரில் வந்து ஆய்வு செய்து, மீண்டும் தங்களுக்கு தரமான சாலை அமைத்திட அரசுக்கு வலியுறுத்தியுள்ளனர்.

அரசால் போடப்பட்ட சாலைக்கு அந்த பகுதி பொதுமக்கள் ‘பூந்தி ரோடு’ என ‘புனைப்பெயர்’ சூட்டியிருப்பது நகைப்பை ஏற்படுத்தி உள்ளது.

  • jana nayagan shooting finished in may mid and he possibly started political tour in may end முடியப்போகுது படப்பிடிப்பு, இனி அரசியலில் சுறுசுறுப்பு, சுற்றுப்பயணத்திற்கு தயாராகும் விஜய்?