ராமர் கோவில் பிரதிஷ்டையில் திமுக அரசு ஏன் இவ்வளவு இடையூறு செய்கிறது எனவும், திமுக அரசு ஒரு பாசிச அரசு எனவும் பாஜக விளையாட்டு பிரிவு மாநிலத்தலைவர் அமர் பிரசாத் ரெட்டி கடும் விமர்சனம் செய்துள்ளார்.
உத்தர பிரதேசம் மாநிலம் அயோத்தியில் நேற்று ராமர் கோவில் பிரதிஷ்டை மிகப் பிரம்மாண்டமாக நடைபெற்ற நிலையில், கடலூரில் திருப்பாதிரிப்புலியூர் உள்ள தனியார் திருமண மண்டபத்தில் ராமர் கோவில் பிரதிஷ்டை நேரடி ஒளிபரப்பு செய்யப்பட்டது. இதில் ராம பக்தர்கள், பாஜக நிர்வாகிகள் பாஜக விளையாட்டு பிரிவு மாநில தலைவர் அமர் பிரசாத் ரெட்டி தலைமையில் கலந்து கொண்டு காணொளி காட்சி வாயிலாக கோவில் பிரதிஷ்டை கண்டு களித்தனர்.
நிகழ்வுக்கு பின்னர் செய்தியாளர்களிடம் பேசிய அவர், விசிக தலைவரும், எம்பியுமான திருமாவளவன் ராமர் கோவில் குறித்து தெரிவித்துள்ள கருத்துக்கு பதில் அளிக்கையில், அவர் யார் என்றே தெரியாது எனவும், அவர் ஒரு கேவலமான அரசியலை மேற்கொள்கிறார் என்றும், அதை நிறுத்திவிட்டு அவர் தாயார் சொன்னதை கேட்டு நடக்க வேண்டுமென தெரிவித்தார்.
மேலும் இந்துக்கள் தமிழகத்தில் வாழ வேண்டுமா? வேண்டாமா என்னும் நிலை உள்ளதாகவும், ராமர் கோவில் பிரதிஷ்டையில் திமுக அரசு ஏன் இவ்வளவு இடையூறு செய்வதாகவும், உலகமே ஒரு புறம் இருக்க, திமுக ஒரு புறம் நின்று உள்ளதாக தெரிவித்தார். மேலும், திமுக அரசு ஒரு பாசிச அரசு எனவும், தற்போது உதயநிதி தான் தமிழக முதல்வர் போன்று செயல்படுவதாகவும் கடுமையாக விமர்சித்தார்.
தொடர்ந்து, திமுக மாநாடு ஒரு டிஸ்கோ மாநாடு எனவும், இளைஞரணி மாநாட்டில் டிஸ்கோ டான்ஸ் எதற்கு எனவும் அவர் கேள்வி எழுப்பினார். தொடர்ந்து, இந்தியா முழுவதும் உள்ள விளையாட்டு வீரர்கள் கலந்து கொண்ட கேலோ இந்தியா விளையாட்டில் தமிழகத்தை தனியாக பிரித்து திராவிடம் எனவும் பாடல் இசைக்கப்பட்டது எதற்காக எனவும், கேலோ இந்தியா உங்கள் அப்பன் வீட்டு சொத்தா எனவும் அவர் கடுமையாக சாடினார்.
கனவுக்கன்னி தற்கால இளைஞர்களின் கனவுக்கன்னிகளில் ஒருவராக வலம் வருபவர் மாளவிகா மோகனன். இவர் மலையாளத்தில் மிக பிரபலமான நடிகையாக வலம்…
தமிழ் திரைப்பிரபலங்களின் திடீர் மறைவு திரையுலகத்தை அதிர்ச்சிக்குள்ளாக்கி வருகிறது. அந்த வகையில் பிரபல திரைப்பட இயக்குநர் திடீரென மாரடைப்பால் மரணமடைந்துள்ளார்.…
தமிழக வெற்றி கழகம் கட்சியின் பூத் கமிட்டி முகவர்கள் கூட்டம் இன்று மாலை கோவை சக்தி சாலை குரும்பபாளையம் பகுதியில்…
விஜய்யின் ரோட் ஷோ தவெக தலைவர் விஜய் இன்று கோவையில் நடைபெறும் தனது கட்சியின் பூத் கமிட்டி மாநாட்டில் பங்கேற்கிறார்.…
சமீபத்தில், பிரபலமான ஹாலிவுட் வெப் தொடரான Wednesday சீசன் 2-ன் டிரெய்லர் வெளியாகி, கோலிவுட் ரசிகர்கள் மத்தியில் பெரும் பரபரப்பை…
This website uses cookies.