2024ம் ஆண்டு கடைசி நாளில் மன்னிப்பு கேட்ட முதலமைச்சர்..!!

மணிப்பூர் தலைநகர் இம்பாலில் இன்று முதல்வர் பைரேன் சிங் செய்தியாளர்களைச் சந்தித்து பேசினார்.

அதில் அவர் கூறியதாவது: “இந்த ஆண்டு மிகவும் துரதிருஷ்டவசமாக இருந்தது. கடந்த மே 3 முதல் இன்றுவரை நடந்ததை நான் வருந்துகிறேன். இது மாநில மக்களுக்கு ஏமாற்றம் அளித்தது. பலர் தங்கள் அன்புக்குரியவர்களை இழந்துள்ளனர், பலர் வீடுகளைக் கைவிட்டு வெளியேறினர். இதை உண்மையிலேயே நான் வருத்தப்படுகிறேன். எனது பொறுப்பில், நான் இதற்கு மன்னிப்பு கேட்க விரும்புகிறேன்.

கடந்த 3-4 மாதங்களில் அமைதியின் பாதையை நோக்கி நாம் முன்னேறி வந்ததை நான் கவனித்தேன். 2025 புத்தாண்டு நம் மாநிலத்தில் இயல்பு நிலையும் அமைதியும் திரும்பும் என எனது நம்பிக்கை.

இதையும் படியுங்க: சென்னை மக்களுக்கு புத்தாண்டு பரிசாக 35% தொழில் வரி.. திமுக அரசு மீது இபிஎஸ் கடும் விமர்சனம்!!

கடந்த கால தவறுகளை மறந்து, புதிய வாழ்க்கையை தொடங்க வேண்டும். மாநிலத்தின் அனைத்து சமூகங்களுக்கும் எனது வேண்டுகோள், அமைதியான மற்றும் வளமான மணிப்பூர் காண நாம் அனைவரும் ஒன்றாக ஒத்துழைக்க வேண்டும்.”

மேலும், அவர் கடந்த 2023 மே முதல் அக்டோபர் வரை 408 துப்பாக்கிச்சூடு சம்பவங்கள், நவம்பர் 2023 முதல் ஏப்ரல் 2024 வரை 345 சம்பவங்கள், இந்த ஆண்டு மே முதல் இன்றுவரை 112 துப்பாக்கிச்சூடு சம்பவங்கள் பதிவாகியுள்ளன என தெரிவித்தார்.

Manipur CM Biren Singh Apologise to Public

இன்று 3,112 ஆயுதங்கள் மீட்கப்பட்டுள்ளதுடன், 2,511 வெடிபொருட்கள் கைப்பற்றப்பட்டுள்ளன. இதுவரை 625 பேர் கைது செய்யப்பட்டுள்ள நிலையில், 12,047 எப்.ஐ.ஆர்.கள் பதிவுசெய்யப்பட்டுள்ளன என்றும் அவர் கூறினார்.