பாப்பிரெட்டிபட்டி அருகே அரசு கட்டிக்கொடுத்த தொகுப்பு வீட்டின் மேற்கூரை இடிந்து விழுந்ததில் அதிர்ஷ்டவசமாக பள்ளி சிறுவன் உயிர் தப்பினார்.
தருமபுரி மாவட்டம் பாப்பிரெட்டிப்பட்டி அருகே உள்ள மூக்காரெட்டிப்பட்டியில் சுமார் 1000க்கும் மேற்பட்டோர் வசித்து வருகின்றனர். இக்கிராமத்தை சேர்ந்த சுரேஷ் – பாப்பாத்தி தம்பதியினருக்கு மூன்று பிள்ளைகள் உள்ளனர். இந்த தம்பதியினரின் மூத்த மகனான ஸ்ரீ தர்ஷன் நேற்று பள்ளி முடித்து விட்டு வீட்டிற்கு வந்து கட்டிலில் அமர்ந்து தனது வீட்டு பாடத்தை செய்து கொண்டிருந்தார்.
அப்போது வீட்டின் மேற்கூரை திடீரென பெயர்ந்து விழ, அதை பார்த்து சுதாரித்து கொண்டு வெளியே ஓடிய கனநேரத்தில் சிறுவன் அமர்ந்து இருந்த இடத்தில் மறுபடியும் வீட்டின் மேற்கூரை விழுந்தது. இதில் அதிர்ஷ்டவசமாக சிறுவன் உயிர் தப்பினார்.
இது குறித்து அவரது தாயார் பாப்பாத்தி கூறுகையில், “இந்த பகுதியில் கடந்த 40 ஆண்டுகளுக்கு முன் ஏற்பட்ட ஜாதி கலவரத்தின் போது தாழ்த்தப்பட்ட மக்களின் வீடுகள் அடித்து நொறுக்கப்பட்டது. அப்போது ஆட்சியில் இருந்த அரசு வீடுகளை இழந்த 135க்கும் மேற்பட்ட மக்களுக்கு தொகுப்பு வீடுகளை கட்டி தந்தது.
இந்த நிலையில், அரசால் கட்டிக் கொடுக்கப்பட்ட அனைத்து வீடுகளும் தற்போது மிகவும் பழுது அடைந்து சேதமாகி உள்ளது. அதனை இடித்து அகற்றி தரவேண்டும் (அ) புரணமைப்பு செய்து தரும்படி அரசு அதிகாரிகள் மற்றும் அமைச்சர்களிடத்தில் பல முறை கோரிக்கை வைத்தும் எவ்வித நடவடிக்கையும் எடுக்கப்படவில்லை.
தற்போது வரை இந்த இடிந்து விழும் வீட்டில் தான் உள்ளோம். மழைக்காலங்களில் அனைவரின் வீடுகளிலும் மழை நீர் கசிந்து வருகிறது. டிவி, மிக்ஸி, மின்விசிறி உள்ளிட்ட மின்சாதனங்களை பயன்படுத்தும் போது, அதன் அதிர்வை தாங்க முடியாமல், அவ்வப்போது இடிந்து விழுந்து கொண்டே உள்ளது. இன்று மிக்ஸியை ஆன் செய்த போது அந்த அதிர்வை தாங்காத வீட்டின் மேற்கூரை இடிந்து விழுந்தது.
இன்று எனது மகனின் உயிர் தப்பியது அதிசயம் தான். இதேபோல் மறுபடியும் நடக்குமோ என தெரியாது. ஆகவே இடியும் நிலையில் உள்ள அனைத்து வீடுகளையும் அப்புறபடுத்தி வீடு கட்டி தர உரிய நடவடிக்கை எடுக்க வேண்டும், என மாவட்ட நிர்வாகம் மற்றும் தமிழக அரசு முன்வரவேண்டும். தங்களின் உயிர்களை அரசு தான் காப்பாற்ற வேண்டும், என கண்ணீர் மல்க தெரிவித்தார்.
ரவீனா தாஹா 2009 ஆம் ஆண்டு சன் தொலைக்காட்சியில் ஒளிபரப்பான மிகவும் பிரபலமான சீரீயலான “தங்கம்” தொடரில் குழந்தை நட்சத்திரமாக…
ஜம்மு காஷ்மீர் பஹல்காம் பயங்கரவாத தாக்குதலில் இறந்த நெல்லூர் மாவட்டம் காவலியை சேர்ந்த மதுசூதன் ராவ் சோமிசெட்டியின் உடலுக்கு துணை…
புதுமைனா கமல்ஹாசன்தான்! சினிமாத்துறையை பொறுத்தவரை கமல்ஹாசன் பல நவீன தொழில்நுட்பங்களை அறிமுகம் செய்துள்ளார். இது பலருக்கும் தெரிந்த செய்திதான். ஆனால்…
தெலங்கானா மாநிலம் குமுரம்பீம் ஆசிபாபாத் மாவட்டம் ஜெய்னூர் மண்டலம், அடேசரா பழங்குடியினர் கிராமத்தைச் சேர்ந்த ரம்பாபாய் - பத்ருஷாவ் தம்பதியினரின்…
அடுத்த படத்துக்கு யார் இயக்குனர்? அஜித்குமார் நடிப்பில் வெளியான “குட் பேட் அக்லி” திரைப்படம் ரசிகர்கள் மத்தியில் நல்ல வரவேற்பை…
தமிழகத்துக்கு அடுத்த வருடம் சட்டமன்ற தேர்தல் நடைபெற உள்ளது. இதனால் அரசியல் கட்சிகளிடையே கூட்டணி, தேர்தல் வியூகம் என அடுத்தடுத்து…
This website uses cookies.