எங்கயோ கனெக்ட் ஆகுதே.. திமுக பக்கம் சாய்கிறதா தேமுதிக? அரசியலில் சுடச் சுட!

ராஜ்யசபா சீட் தேமுதிகவுக்கு கிடையாது என திட்டவட்டமாக அதிமுக தெரிவித்துள்ள நிலையில், திமுக பக்கம் பிரேமலதா செல்லவுள்ளதாக அரசியல் வட்டாரங்கள் தெரிவிக்கின்றன.

சென்னை: அதிமுக தங்களுக்கு ராஜ்ய சபா சீட் கொடுக்கும் என்ற நம்பிக்​கையில் இருந்த பிரேமலதாவுக்கு, “நாங்கள் அப்படி எதுவும் ஒப்பந்தம் போடவில்​லையே..” என எடப்பாடி பழனிசாமி கூறியதும் திடுக்கென்றது என்பது தமிழக அரசியல் மேடையில் இருக்கும் அனைவருக்கும் தெரிந்த ஒன்றுதான்.

எனவெ, தேமுதி​கவுக்கு ராஜ்யசபா சீட் இல்லை என திட்டவட்டமாகச் சொன்ன அதிமுக, அன்புமணியின் ராஜ்யசபா சீட்டுக்காக அணுகிய பாமகவுக்கு நல்ல பதிலைச் சொல்லி இருப்பதாகத் தெரிகிறது. இதனால், மக்களவைத் தேர்தலில் அதிமுகவை விட்டு​விட்டு பாஜக கூட்ட​ணிக்குப் போன பாமகவிடம் குணமாக பேசுவதையும் காண முடிகிறது.

இந்த அரசியல் கணக்கைப் புரிந்துகொண்ட திமுகவை மெல்ல திரும்பிப் பார்க்க ஆரம்பித்​திருக்​கிறார் பிரேமலதா விஜயகாந்த். தொகுதி மறுசீரமைப்பு விவகாரம், பட்ஜெட் என அடுத்​தடுத்து திமுக ஆதரவு நிலைப்​பாட்டை எடுத்​துள்ள பிரேமலதாவுக்கு, பிறந்​தநாள் வாழ்த்துச் சொன்னார் திமுக தலைவரும், முதலமைச்சருமான மு.க.ஸ்டாலின்.

அதேநேரம், அதிமுக தரப்பில் பாஜக, பாமக, தவெக, நாதக என பல கட்சிகளிடமும் கூட்டணிப் பேச்சு​வார்த்​தைகள் நடப்ப​தாகச் சொல்லப்படுகிறது. எனவே, நாமும் கொஞ்சம் அரசியல் செய்தால்தான் நல்ல தொகுதிகளைப் பெறலாம் என்று நினைக்கிறார் பிரேமலதா.

இதையும் படிங்க: IPL கிங்குடா.!38 ரன் தான்..கோலி படைக்க இருக்கும் புது ரெகார்ட்.!

இதற்கேற்ப திமுகவும் தேமுதிக விஷயத்தில் கொஞ்சம் இறங்கிவந்​துள்ளதாகத் தெரிகிறது. குறிப்பாக, வடக்கிலும், தென் மாவட்​டங்​களிலும் தேமுதி​கவுக்கு வாக்கு​வங்கி உள்ளது. எனவே, வட மாவட்​டங்​களில் பாமகவை​யும், தென் மாவட்​டங்​களில் பாஜகவையும் சமாளிக்க தேமுதிக உதவும் என திமுக கணக்கு போடுவதாக அரசியல் நோக்கர்கள் கூறுகின்றனர்.

மேலும், அதிமுக தர சம்மதிக்காத ராஜ்யசபா சீட்டை திமுக ஒதுக்க முன்வந்தால், பிரேமலதா கூட்டணி மாறுவதற்கு அதிக வாய்ப்பு இருப்பதாகவும் முனுமுனுக்கப்படுகிறது. ஆனால், அடுத்த மார்ச் 18 அன்றே தேர்தல் கூட்டணி குறித்து கூறுவதாகவும் பிரேமலதா கூறியிருப்பது நினைவுகூரத்தக்கது.