திண்டுக்கல் ; அதிகாரிகள் துணையோடு திமுகவினர் காந்தி மார்க்கெட் வணிக வளாகத்தில் ரசீது தயார் செய்து அடாவடி வசூலில் ஈடுபடுவதாக கூறி மக்கள் ஜனநாயக கட்சியினர் முற்றுகை போராட்டம் நடத்தினர்.
திண்டுக்கல் காந்தி மார்க்கெட்டானது, பல்வேறு பகுதிகளில் இருந்து விவசாயிகள் கொண்டு வரும் காய்கறிகளை சந்தைப்படுத்தி உள்ளூர் வியாபாரிகள் விற்பனை செய்யும் மையமாக விளங்குகிறது. மேலும், பல விவசாயிகள் கத்திரிக்காய், முருங்கை, புடலங்காய், சௌசௌ, கேரட் உள்ளிட்ட காய்கறிகளை வெளிமாநிலங்களுக்கு ஏற்றுமதி செய்யக்கூடிய இடமாகவும் திகழ்ந்து வருகிறது.
கடந்த மூன்று வருடங்களாக மாநகராட்சி நிர்வாகத்திற்கு காந்தி மார்க்கெட் மூலம் பல கோடி ரூபாய் வருமானம் வந்த நிலையில், கடந்த 15 தினங்களாக மறு ஏலம் வைக்கப்படாத நிலையில், திமுகவைச் சேர்ந்த சக்திவேல் என்பவர் மாநகராட்சி ஆணையாளர் சிவசுப்பிரமணியன் உள்ளிட்ட அதிகாரிகள் துணையோடு, தலைசுமைக்கு ரூபாய் ஐந்து வீதம், கனரக வாகனம் உள்ளிட்ட பெரும் சுமைக்கு 20 ரூபாய் என நாள்தோறும் வந்து செல்லும் விவசாயிகளிடம் போலியான ரசீது தயார் செய்து வசூலிப்பதாக குற்றச்சாட்டு எழுந்துள்ளது.
இந்த நிலையில், அரசின் எந்தவித முத்திரையும், அதிகாரிகளின் கையெழுத்து இல்லாத ரசீதுகளை வைத்து அடாவடி வசூலில் ஈடுபட்டு வருவதாக கூறி, தமிழக மக்கள் ஜனநாயக கட்சியினர் போலி ரசீதை வைத்து வசூலில் ஈடுபட்ட நபரிடமிருந்து ரசீதை பிடுங்கி திமுக அரசிற்கு எதிராக கண்டன கோஷங்கள் எழுப்பி முற்றுகை போராட்டம் நடத்தினர்.இதனால் மார்க்கெட் பகுதி பெரும் பரபரப்பு நிலவியது.
மேலும், அடாவடி வசூலில் ஈடுபடும் திமுகவினர் மீது காவல்துறை ரீதியாக நடவடிக்கை எடுக்க வேண்டும் என்றும், அவர்கள் மீது வழக்குப்பதிவு செய்து உரிய நடவடிக்கை எடுக்க வேண்டும் என்றும், அதை போல் இப்பகுதியில் உள்ள அமைச்சர் கவனத்திற்கு இதனை எடுத்து இதுபோன்ற முறைகேடான வசூலில் ஈடுபடுபவர்கள் மீது நடவடிக்கை எடுக்க வேண்டும் என கோரிக்கை வைத்தனர்.
மனதில் வாழும் கலைஞன் சின்ன கலைவாணர் என்று புகழப்படும் விவேக் இந்த உலகத்தை விட்டுச் சென்றிருந்தாலும் அவரது நினைவுகள் தமிழ்…
சென்னையில் செய்தியாளர்களை சந்தித்த விசிக லைவர் தொல் திருமாவளவன், அதிமுகவை வெகுவாக பாராட்டியுள்ளார். இதையும் படியுங்க: வக்பு மசோதாவுக்கு கனிமொழி,…
மெகா வசூல் பிரதீப் ரங்கநாதன் நடிப்பில் அஸ்வத் மாரிமுத்து இயக்கத்தில் கடந்த பிப்ரவரி மாதம் வெளியான “டிராகன்” திரைப்படம் வேற…
அவ்வப்போது பிரபலங்கள் ஏதாவது ஒரு கருத்தை செல்லி சர்ச்சையில் சிக்கிக்கொள்வது வழக்கம். அந்த வரிசையில் தற்போது சின்னத்திரை நடிகை சிக்கியுள்ளார்.…
கிருஷ்ணகிரி மாவட்டம் ஒசூர் அருகே உள்ள தனியார் மருத்துவக்கல்லூரி மருத்துவமனையில் அதிமுக மாநிலங்களவை எம்பி மு.தம்பிதுரை அவர்கள் பத்திரிகையாளர்களை சந்தித்து…
பராசக்தி ஹீரோ சுதா கொங்கரா இயக்கத்தில் சிவகார்த்திகேயன் நடித்து வரும் “பராசக்தி” திரைப்படத்தின் படப்பிடிப்பு மும்முரமாக நடைபெற்று வருகிறது. இத்திரைப்படத்தின்…
This website uses cookies.