தவெக – பாஜக அண்ணாமலை மோதல் நேற்று பூதாகரமாக வெடித்த நிலையில், அதிமுகவின் காயத்ரி ரகுராம் விஜய்க்கு ஆதரவாக கருத்து தெரிவித்துள்ளார்.
சென்னை: டாஸ்மாக் முறைகேடு விவகாரம் தொடர்பாக, நேற்று போராட்டத்தில் ஈடுபட்ட தமிழக பாஜக தலைவர் அண்ணாமலை, மூத்த தலைவர் தமிழிசை சௌந்தரராஜன் உள்ளிட்டோர் கைது செய்யப்பட்டனர். பின்னர், இந்த விவகாரம் தொடர்பாக தமிழக வெற்றிக் கழக பொதுச் செயலாளர் புஸ்ஸி என்.ஆனந்த் அறிக்கை வெளியிட்டிருந்தார்.
அதில், தமிழக பாஜகவினர் திமுகவுக்கு எதிராகப் போராடுவது விந்தையாக உள்ளது எனவும், பொதுவெளியில் தங்களை எதிரிகள் போல காட்டிக் கொண்டு புறவாசல் வழியாக மறைமுக கூட்டணி வைத்திருப்பதாகவும் விமர்சித்திருந்தார். இதற்கு பாஜக மாநிலத் தலைவர் அண்ணாமலை பதில் அளித்திருந்தார்.
இது குறித்து பேசிய அண்ணாமலை, தமிழக வெற்றிக் கழகத்தினர் பள்ளி மாணவர்கள் போல அரசியல் செய்வதாகவும், விஜய் வீட்டிலிருந்து அரசியல் செய்கிறார், அவர் Work From அரசியல்வாதி, திமுகவின் பி டீம் தான் தமிழக வெற்றிக் கழகம் என பதிலடி கொடுத்திருந்தார்.
இதனால் அண்ணாமலையை தவெகவினர் சமூக வலைத்தளங்களில் மிகக் கடுமையாக விமர்சித்து வருகின்றனர். இந்த நிலையில், அதிமுக மாநில மகளிர் அணி துணைச் செயலாளர் காயத்ரி ரகுராம், தவெக விஜய்க்கு ஆதரவு தெரிவிக்கும் வகையில் கருத்து தெரிவித்துள்ளார்.
இது தொடர்பாக காயத்ரி ரகுராம் வெளியிட்டுள்ள எக்ஸ் தளப் பதிவில், “விஜய் சாரின் சிறந்த அம்சம் என்னவென்றால், அவர் எதிர்மறையை புறக்கணிப்பவர். அவர் முட்டாள்களுக்கும், கவனத்தைத் தேடும் ஆபாச கேமரா வீடியோகிராஃபர்களுக்கும் முக்கியத்துவம் கொடுக்க மாட்டார். விஜய் சாரை அவதூறு செய்ய திமுக முயற்சித்தது.
விஜய் சாரை தனிப்பட்ட முறையில் தாக்க முயன்றது. விஜய் சாரை பற்றி யூடியூபர்களை தவறாகப் பேச வைக்கப்பட்டது திமுக. விவாதங்களின் மூலம் விஜய் சாரை சேதப்படுத்த திமுக முயற்சித்தது. விஜய் சாரை குறைத்து மதிப்பிட அனைத்து அமைச்சர்களையும் அனுப்பியது திமுக.
விஜய் சாரை சமூக ஊடகங்களில் தாக்கியது திமுக. ஆபாச அவதூறு செய்ய சிவாஜி கிருஷ்ணமூர்த்தியை அனுப்பியது திமுக. பாஜக/திமுக ஆபாச பீரங்கி மேனேஜர் பிட்மலை கவனத்தைத் தேடும் ஒருவரை அனுப்பி, திமுக இப்போது இறுதி முயற்சியை மேற்கொண்டுள்ளது.
விஜய் சார் அனைத்து #Negativity-யையும் புறக்கணிக்கிறார். அவர் திமுகவின் வலையில் விழ மாட்டார். திமுகவின் தொடர்ந்து பயமுறுத்தும் கனவு அதிமுக; திமுகவின் பயம் விஜய் சார். நான் அதிமுகவைச் சேர்ந்த உண்மையான தொண்டர், ஆனால் நான் விஜய் சாரின் தீவிர ரசிகன். நான் அவரை ஆதரிக்கிறேன்.
அவரது நேர்த்தியான அரசியலை நான் ஆதரிக்கிறேன். அரசியலில் பொறுமையும் மரியாதையும் தேவை. சிறந்த கூட்டணி மற்றும் அதே ஆபாச மனநிலை பாஜக மற்றும் திமுகவிற்கும் பொருந்தும். இந்த ஜோடி பொருத்தம் கோபாலபுரம் சொர்க்கத்தில் செய்யப்படுகிறது.
இதையும் படிங்க: நாகசைதன்யா மீது இருந்த கொஞ்ச, நஞ்ச பாசத்தையும் அழித்த சமந்தா.. வைரலாகும் புகைப்படம்!
அவர்களுக்கு பொதுவான ஒற்றுமை உள்ளது, இரண்டும் தமிழ்நாட்டின் எதிர்காலத்திற்கு ஏற்ற கட்சி அல்ல. அரசியல் நாகரிகம் இல்லை. விஜய் சார் மீது முட்டாள்தனமான தாக்குதலுக்கு திமுகவின் அடிமை/பாஜக மேனேஜரை திமுக இறுதியாக அனுப்பியது முற்றிலும் தோல்வியடைந்தது.
பொது மேடையில் பெண்களிடம் தவறாக நடந்து கொண்ட பாஜக தலைவர்கள் ஏராளம். பெண்களின் இடுப்பு கிள்ளப்பட்டது என்று பாருங்கள். திமுக பொதுக்கூட்டத்தில் பெண் போலீசாரின் இடுப்பு கிள்ளப்பட்டது. மறக்காதீர்கள்” எனத் தெரிவித்துள்ளார்.
குணா திரைப்படம் குறித்து சிபி மலையில் விளக்கம் பிரபல மலையில் இயக்குநர் சிபி மலயாழ்,குணா படத்தை முதலில் தான் இயக்கவிருந்ததாக…
கொண்டாட்டத்தில் அஜித் ரசிகர்கள் அஜித் நடிப்பில் உருவாகியுள்ள ‘குட் பேட் அக்லி’ திரைப்படத்தில் இடம்பெற்றுள்ள 'OG சம்பவம்' பாடலை தற்போது…
கோவை பகுதியில் அமைந்து உள்ள பிரபல மேல் நிலைப் பள்ளியில் ஏழாம் வகுப்பு படிக்கும் மாணவன் அதே பள்ளி வளாகத்தில்…
ஈரோட்டில், மதுபோதையில் தகராறு செய்து வந்த மகனை, தாய் உள்பட அவரது உறவினர்கள் சேர்ந்து கொலை செய்த சம்பவம் பரபரப்பை…
திருப்பூர் மாவட்டம், காங்கேயம் அருகே உள்ள ஆரத்தொழுவை சேர்ந்தவர் பூபதி ( 45). இவர் காங்கேயம் பழையகோட்டை சாலையில் உள்ள…
பிரபுதேவா இயக்கத்தில் அர்ஜித் கதாநாயகன் பிரம்மாண்ட இயக்குனர் ஷங்கரின் மகன் அர்ஜித்,தமிழ்த் திரையுலகில் ஹீரோவாக அறிமுகமாக உள்ளதாக தகவல் வெளியாகியுள்ளது.…
This website uses cookies.