திருப்பூர் மாவட்ட திமுகவை நான்காக பிரித்து பொறுப்பாளர்கள் நியமிக்கப்ப்பட்டுள்ள நிலையில், இதனால் அதிமுக இடையே கடும் போட்டி நிலவும் என எதிர்பார்க்கப்படுகிறது.
திருப்பூர்: திருப்பூர் மாவட்ட திமுகவை கிழக்கு, மேற்கு, தெற்கு, வடக்கு என நான்காக பிரித்துள்ளது திமுக தலைமை. இதில், கிழக்கு மாவட்டப் பொறுப்பாளராக செல்வராஜ், மேற்கு மாவட்டப் பொறுப்பாளராக அமைச்சர் மு.பெ.சாமிநாதன், வடக்கு மாவட்டத்துக்கு தினேஷ்குமார், தெற்கு மாவட்டத்துக்கு இல.பத்மநாபன் ஆகியோர் பொறுப்பாளர்களாக நியமிக்கப்பட்டுள்ளனர்.
திசைக்கு நான்கு பேரை நியமித்துவிட்டோம், இனி பிரச்னை இல்லை என திமுக தலைமை பெருமூச்சு விடுவதற்குள், இது என்ன புது தலைவலி என்ற மனநிலையில் உள்ளனர் பொறுப்பாளர்கள். இது தொடர்பாக தனியார் நாளிதழிடம் பேசிய திருப்பூர் திமுகவினர், “4 பேரையும் மாவட்டப் பொறுப்பாளர்களாக அறிவித்ததுமே இவர்களுக்குத்தான் தலைமை சீட் கொடுக்கும் என்ற முடிவுக்கு வந்துவிட்ட கட்சியினர் சலிப்பில் உள்ளனர்.
திருப்பூர் வடக்கு மற்றும் தெற்கு தொகுதிகளைக் கேட்டு கடந்த முறையே கம்யூனிஸ்ட்கள் மோதின. இந்த முறையும் அவர்கள் போட்டிக்கு வருவார்கள். எனவே, தனக்கு சீட் இல்லாமல் போய்விடுமோ, அதற்காகத்தானோ மாவட்டச் செயலாளர் பொறுப்பு தந்திருக்கிறது தலைமை என்ற சந்தேகத்தில் இருக்கிறார் திருப்பூர் தெற்கு எம்எல்ஏ செல்வராஜ்.
ஒருவேளை, பல்லடம் தொகுதியில் சீட் கொடுத்தால், அதிமுக கோட்டையை வெல்ல முடியுமா என்ற சந்தேகமும் அவரது கலக்கத்துக்கு காரணமாக உள்ளது. கடந்த முறை தொண்டாமுத்தூரில் எஸ்.பி.வேலுமணியிடம் தோற்ற கார்த்திகேய சிவசேனாபதி, இந்தமுறை காங்கயத்தில் போட்டியிடும் திட்டத்தில் உள்ளார்.
ஒருவேளை, அவர் நினைத்தது நடந்தால் அமைச்சர் சாமிநாதன் மடத்துக்குளத்துக்கு மாற வேண்டி இருக்கும். ஆனால், அங்கேயும் முன்னாள் எம்எல்ஏ ஒருவரின் மகள் தொகுதியைப் பிடிக்க முழு வீச்சில் இறங்கி வருகிறார். இதனால், சாமிநாதனுக்கும் தர்மசங்கடமான நிலையே.
இதையும் படிங்க: ’செளந்தர்யா திட்டமிட்டு கொலை’.. மாளிகையே காரணம்.. பரபரப்பு கடிதம்!
மேலும், தெற்கு மாவட்டச் செயலாளர் இல.பத்மநாபன் உடுமலைக்கு குறிவைக்கிறார். அதிலும், அதிமுக வலுவாக இருக்கும் தொகுதி. கடந்த முறை மடத்துக்குளம் தொகுதியில் போட்டியிட்ட முன்னாள் எம்எல்ஏ ஜெயராமகிருஷ்ணன், சில உள்ளடிகளால் தோற்கடிக்கப்பட்டார்” எனத் தெரிவித்துள்ளனர்.
இருப்பினும், கொங்கு மண்டலம் எனப்படும் கொங்கு பெல்ட் மாவட்டங்களை உள்ளடக்கிய தொகுதிகள் அதிமுக கோட்டையாகவே கருதப்படும் நிலையில், அந்த கொங்கு மண்டலத்தைப் பிடிக்க திமுக தீவிரம் காட்டி வருகிறது. இது, கடந்த 2024 மக்களவைத் தேர்தலிலும் எதிரொலித்தது என்பது குறிப்பிடத்தக்கது.
சன் பிக்சர்ஸ் சன் நெட்வொர்க்கின் ஒரு பகுதியான சன் பிக்சர்ஸ் பல பிரம்மாண்ட திரைப்படங்களை தொடர்ந்து தயாரித்து வருகிறது. சன்…
கவுண்ட்டர் மணி… கோலிவுட்டில் கவுண்ட்டர் வசனத்திற்கென்றே பெயர் போனவர் கவுண்டமணி. இவர் சினிமாவிற்குள் நுழைவதற்கு முன்பு நாடக நடிகராக பல…
விஜய் டிவியில் ஆன்கராக நுழைந்த பிரியங்கா தேஷ்பாண்டே, கொஞ்ச கொஞ்சமாக எல்லா நிகழ்ச்சிகளிலும் தன்னுடைய திறமையை காட்ட ஆரம்பித்தார். இதையும்…
தர்பூசணி குறித்து மக்கள் மத்தியில் உணவு பாதுகாப்பு துறை அதிகாரி தவறான கருத்துக்களை பரப்பியிருந்தார். தர்பூசணி பழத்தல் ரசாயணம் உள்ளது…
லோகேஷ் பட ஹீரோ லோகேஷ் கனகராஜ் ரஜினிகாந்தை வைத்து இயக்கி வரும் “கூலி” திரைப்படத்தின் படப்பிடிப்பு முடிவடைந்துள்ள நிலையில் இத்திரைப்படத்தின்…
கராத்தே பாபு “ஜீனி” என்ற திரைப்படத்தை தொடர்ந்து ரவி மோகன் தற்போது நடித்து வரும் திரைப்படம் “கராத்தே பாபு”. இத்திரைப்படத்தில்…
This website uses cookies.