மாப்ள சம்பா அரிசிக்கு புவிசார் குறியீடு பெறுவதற்கு முயற்சித்து வருவதாக பள்ளிக்கல்வித்துறை அமைச்சர் அன்பில் மகேஷ் பொய்யாமொழி தெரிவித்துள்ளார்
சென்னை கோயம்பேட்டில் உள்ள தனியார் வணிக வளாகத்தில் மூன்று நாட்கள் நடைபெறும் தஞ்சாவூர் பாரம்பரிய கைவினை கலை பொருட்களின் கண்காட்சியினை பள்ளிக்கல்வித்துறை அமைச்சர் அன்பில் மகேஷ் பொய்யாமொழி தொடங்கி வைத்தார்.
இதைத் தொடர்ந்து, சென்னை அண்ணா நகரில் உள்ள தனியார் வணிக வளாகத்தில், தஞ்சாவூர் மாவட்டத்தை சேர்ந்த புவிசார் குறியீடு பெற்ற பொருள்களின் கண்காட்சி மற்றும் விற்பனை மையத்தை பள்ளிக்கல்வித்துறை அமைச்சர் அன்பில் மகேஷ் பொய்யாமொழி கலந்துகொண்டு தொடங்கி வைத்தார் .
பின்னர் கண்காட்சியில் வைத்திருக்கக்கூடிய பொருட்களை பற்றி அவர் கேட்டறிந்தார். மேலும், அங்கு வைத்திருந்த நாதஸ்வர கடையில் நாதஸ்வரம் வாசித்துப் பார்த்தார்.
அதன் பின்னர் செய்தியாளர்களை சந்தித்து பேசிய அமைச்சர் அன்பில் மகேஷ் பொய்யாமொழி;- இந்த நாள் பெருமைக்குரிய நாளாக பார்க்கப்படுகிறது. தஞ்சாவூரின் விற்பனை கூடத்தை நான் சென்னையில் திறந்து வைத்திருக்கின்றேன். இந்த கைவினை கலைப் பொருட்கள் விற்பனை நிலையம் மற்றும் கண்காட்சி மூன்று நாட்கள் நடைபெறும்.
பொதுமக்கள் இதை பார்வையிட்டு பாரம்பரியத்தை பற்றி தெரிந்து கொள்ளலாம். இந்த கண்காட்சியை சர்வதேச அளவுக்கு கொண்டு செல்ல நடவடிக்கை எடுக்கப்படும்.
மேலும் தஞ்சை மாவட்டத்தை சேர்ந்த புவிசார் குறியீடு பெற்ற 10 வகையான பொருட்கள் இங்க இடம் பெற்றிருக்கிறது. இன்னும் 24 வகையான பாரம்பரிய பொருள்களுக்கு புவிசார் குறியீடு பெறுவதற்கு விண்ணப்பிக்க முதலமைச்சர் உத்தரவிட்டுள்ளார்.
மாப்ள சம்பா அரிசிக்கு புவிசார் குறியீடு பெறுவதற்கு முயற்சித்து வருகிறோம். பள்ளிக்கல்வித்துறை சார்பில் புத்தக கண்காட்சியில் இந்த பாரம்பரிய புவிசார் குறியீடு பெற்ற பொருட்களையும் காட்சிபடுத்த நடவடிக்கை எடுக்கப்படும், எனக் கூறினார்.
பின்னர் பேட்டியளித்த தஞ்சாவூர் மாவட்ட ஆட்சியர் தினேஷ் பொன்ராஜ் ; தஞ்சாவூர் மாவட்டத்தைச் சேர்ந்த 10 பொருள்களுக்கு புவிசார் குறியீடு பெற்றிருக்கிறது. அந்த அனைத்து பொருட்களும் இன்று இங்கே கண்காட்சிகளுக்கு வைக்கப்பட்டிருக்கிறது. இனி வரும் காலங்களில் இந்த கண்காட்சியை மற்ற மாவட்டங்களுக்கும், மாநிலங்களுக்கும் மற்றும் சர்வதேச அளவில் கொண்டு செல்வதற்கு நடவடிக்கை எடுக்கப்படும், என தெரிவித்தார்.
ஆந்திர துணை முதல்வரும் ஜனசேனா கட்சி தலைவருமான பவன் கல்யாண் தமிழகத்தில் ஆன்மீக பயணம் மேற்கொண்டு கடந்த பிப்ரவரி மாதம்…
நிறைவேற்றப்பட்ட வக்ஃபு வாரிய மசோதா இன்று மக்களவையில் ஒன்றிய பாஜக அரசால் வக்ஃபு வாரிய சட்டத் திருத்த மசோதா நிறைவேற்றப்பட்டுள்ளது.…
நஷ்டத்தில் தத்தளிக்கும் லைகா லைகா நிறுவனம் தமிழ் திரையுலகில் காலடி எடுத்து வைத்ததை தொடர்ந்து பல வெற்றித் திரைப்படங்களை கொடுத்தது.…
ஐபிஎல் 2025 தொடர் விறுவிறுப்பாக நடந்து வருகிறது. இதில் 10 அணிகளுக்கு இடையே நடந்து வரும் போட்டியில் புள்ளி பட்டியலில்…
கும்பமேளாவில் ருத்ராட்சை மாலை விற்றுக்கொண்டிருந்தவர் மோனாலிசா. இவரது புகைப்படம் இணையத்தில் படுவைலரானது. காரணம் பார்ப்பதற்கு நடிகை போலவும், கண்கள் பலரையும்…
மகனை இழந்த இமயம்… இயக்குனர் இமயம் பாரதிராஜாவின் மகனான மனோஜ் பாரதிராஜா கடந்த மார்ச் மாதம் 25 ஆம் தேதி…
This website uses cookies.