‘யோவ் லூசு’… பொது நிகழ்ச்சியில் ஒன்றிய செயலாளரை திட்டிய அமைச்சர் பொன்முடி.. மீண்டும் சர்ச்சை…!!

Author: Babu Lakshmanan
29 July 2023, 8:04 pm

விழுப்புரம் மாவட்டம் வானூர் ஊராட்சி ஒன்றிய அலுவலகத்தில் நடைபெற்ற நிகழ்ச்சியில் ஒன்றிய செயலாளரை அமைச்சர் பொன்முடி வசைபாடியது சர்ச்சையை ஏற்படுத்தியுள்ளது.

விழுப்புரம் மாவட்டம் வானூர் ஒன்றியத்திற்கு உட்பட்ட ஊராட்சி மன்றகளுக்கு தூய்மை பணிக்காக மின்கல வண்டிகள் வழங்கும் விழாவானது ஊராட்சி ஒன்றிய அலுவலகத்தில் நடைபெற்றது. இந்த நிகழ்ச்சியில் கொடி அசைத்து துவக்கி வைத்தார் .

அப்பொழுது தூய்மை பணியாளர்களிடம் பேசுவதற்காக மைக் கேட்டார். ஆனால், எதுவும் இல்லாததால் அங்கிருந்து மேடையை நோக்கி சென்றார்.

அங்கு மேடையும் இல்லாததால், இவ்விழாவில் மேடை மற்றும் அமைச்சர் பேசுவதற்கு மைக் உள்ளிட்டவைகள் இல்லை என்று திமுக ஒன்றிய செயலாளரும், வானூர் ஒன்றிய குழு தலைவரின் கணவருமான முரளியை அமைச்சர் பொன்முடி,’ யோ லூசு’ என்று கூறி அவரை திட்டி தீர்த்தார்.

இந்த கூட்டத்தில் ஒன்றிய செயலாளர் முரளி செய்வதறியாது திகைத்து நின்றார்.

  • actor ramki shared vivek memories விவேக் படத்தை பார்க்கவே மாட்டேன், பார்த்தால் அவ்வளவுதான்- மனம் நொந்த ராம்கி