அதிமுக பாஜக கூட்டணி போல இல்லாமல், ஒருவரை ஒருவர் புரிந்து கொண்டு I.N.D.I.A. கூட்டணி போல சிறப்பாக வாழ வேண்டும் என்று இளைஞர் நலன் மற்றும் விளையாட்டு நலத்துறை அமைச்சர் உதயநிதி ஸ்டாலின் மணமக்களை வாழ்த்தினார்.
கிருஷ்ணகிரி கிழக்கு மாவட்ட திமுக செயலாளர் பர்கூர் சட்டமன்ற உறுப்பினர் தே. மதியழகன் இல்ல திருமண விழாவில் கலந்து கொண்டு மாண்புமிகு இளைஞர் நலன் மற்றும் விளையாட்டு மேம்பாட்டு துறை அமைச்சர் உதயநிதி ஸ்டாலின் மணமக்களை வாழ்த்தி பேசினார்.
அவர் பேசியதாவது :- இந்த திருமண வரவேற்பு நிகழ்ச்சிக்கு கழகத் தலைவர் மாண்புமிகு முதலமைச்சர் வரவில்லை என்றாலும், அவரது எண்ணம் முழுவதும் இவர்களை வாழ்த்திக் கொண்டே இருக்கும். முத்தமிழறிஞர் கலைஞர் அவர்களின் நூற்றாண்டு விழாவில், இங்கு அவருக்கு முழு உருவ சிலையை திறந்து வைத்த பிறகு, இங்கு நடைபெறும் இந்த திருமண நிகழ்ச்சி என்பது மகிழ்ச்சி அளிக்கிறது.
ஆகவே, முத்தமிழறிஞர் கலைஞர் அவர்கள் நூற்றாண்டு விழாவில் நடைபெற்றுள்ள இந்த திருமணம் காரணமாக மணமக்கள் நல்லதொரு வாழ்க்கையை அமைத்து வாழ்வார்கள் என்ற நம்பிக்கை எனக்கு முழுமையாக இருக்கிறது. பல்வேறு சிறப்புகளுக்குரிய சட்டமன்ற உறுப்பினர் மாவட்ட கழக செயலாளர் மதியழகன் இல்ல திருமண விழாவில் கலந்து கொள்வதில் மிகவும் பெருமைப்படுகின்றேன்.
இது ஒரு சுயமரியாதை திருமணம். மேலும், இது ஒரு காதல் திருமணம் என்பதால் எனக்கு கூடுதல் மகிழ்ச்சியாக உள்ளது. எனவே, மணமக்கள் நன்கு படித்தவர்கள், காதல் திருமணம் என்பதால் அவர்களுக்கு ஆலோசனைகள் சொல்லத் தேவையில்லை. மணமக்கள் இருவரும் ஒருவருக்கு ஒருவர் விட்டுக் கொடுத்து அதே நேரத்தில், சுயமரியாதையோடு, அவர்களது உரிமைகளை விட்டுக் கொடுக்காமல், எந்த நேரத்தில் எதை விட்டுக் கொடுக்க வேண்டுமோ, அதை மட்டும் விட்டுக் கொடுத்து, நமது I.N.D.I.A. கூட்டணி போல சுயமரியாதையோடு இருக்க வேண்டும்.
அதிமுக, பாஜக கூட்டணி போல அந்த கூட்டணி இருக்கிறதா..? இல்லையா என்பதே தெரியாது. காலையில் இருக்கிறது என்பார்கள், மாலையில் இல்லை என்பார்கள். மறுநாள் இருக்கிறது, ஆனால் இல்லை என்பார்கள். அந்த மாதிரி ஒரு கூட்டணியாக இல்லாமல், அதிமுகவில் இருப்பது போல ஓபிஎஸ் அணி, இபிஎஸ் அணி, டிடிவி அணி சசிகலா அணி, ஜெ தீபா அணி, தீபாவின் டிரைவர் அணி இப்படி பல்வேறு அணிகள் இருக்கிறது.
அதேபோல, திருமணம் ஆன பிறகு மாமியார் அணி, நாத்தனார் அணி என பல்வேறு அணிகள் இருக்கும். எனவே, அத்தனை அணிகளையும் நீங்கள் நன்றாக புரிந்து கொண்டு, நமது I.N.D.I.A. கூட்டணி போல சிறந்த திருமண வாழ்க்கையில் நீங்கள் அமைத்துக் கொள்ள வேண்டும் என்று மணமக்களை வாழ்த்தி பேசினார். தொடர்ந்து பொதுச் செயலாளர் துரைமுருகன் மற்றும் அமைச்சர்கள் சட்டமன்ற உறுப்பினர்கள் ஆகியோர் வாழ்த்தி பேசினார்கள்.
ரவீனா தாஹா 2009 ஆம் ஆண்டு சன் தொலைக்காட்சியில் ஒளிபரப்பான மிகவும் பிரபலமான சீரீயலான “தங்கம்” தொடரில் குழந்தை நட்சத்திரமாக…
ஜம்மு காஷ்மீர் பஹல்காம் பயங்கரவாத தாக்குதலில் இறந்த நெல்லூர் மாவட்டம் காவலியை சேர்ந்த மதுசூதன் ராவ் சோமிசெட்டியின் உடலுக்கு துணை…
புதுமைனா கமல்ஹாசன்தான்! சினிமாத்துறையை பொறுத்தவரை கமல்ஹாசன் பல நவீன தொழில்நுட்பங்களை அறிமுகம் செய்துள்ளார். இது பலருக்கும் தெரிந்த செய்திதான். ஆனால்…
தெலங்கானா மாநிலம் குமுரம்பீம் ஆசிபாபாத் மாவட்டம் ஜெய்னூர் மண்டலம், அடேசரா பழங்குடியினர் கிராமத்தைச் சேர்ந்த ரம்பாபாய் - பத்ருஷாவ் தம்பதியினரின்…
அடுத்த படத்துக்கு யார் இயக்குனர்? அஜித்குமார் நடிப்பில் வெளியான “குட் பேட் அக்லி” திரைப்படம் ரசிகர்கள் மத்தியில் நல்ல வரவேற்பை…
தமிழகத்துக்கு அடுத்த வருடம் சட்டமன்ற தேர்தல் நடைபெற உள்ளது. இதனால் அரசியல் கட்சிகளிடையே கூட்டணி, தேர்தல் வியூகம் என அடுத்தடுத்து…
This website uses cookies.