கோவை தனியார் கல்லூரி பேராசிரியரின் கண்டுபிடிப்புக்கு காப்புரிமை: தகவல் தொடர்புத் துறையில் 'மொபைல் பக்' என்ற பெயரில் காப்புரிமை..!!

கோவை: கிருஷ்ணம்மாள் மகளிர் கல்லூரியின் இயற்பியல் துறை பேராசிரியரின் கண்டுபிடிப்புக்கு காப்புரிமை வழங்கப்பட்டுள்ளது.

பிஎஸ்ஜிஆர் கிருஷ்ணம்மாள் மகளிர் கல்லூரியின் இயற்பியல் துறைப்பேராசிரியை பிரியதர்சினிக்கு ‘மொபைல் பக்’ என்ற பெயரில் காப்புரிமை வழங்கப்பட்டது. நெட்வொர்க் ஆண்டெனாக்கள் மூலம் தீவிரமாகத் தொடர்பு கொள்ளும் மொபைல் போன்களைக் கண்டறிவதற்காக தகவல் தொடர்புத் துறையில் இந்த காப்புரிமை வழங்கப்பட்டுள்ளது.

இந்த கண்டுபிடிப்பின் வழியாக செயலில் உள்ள மொபைல் சிக்னல்களைக் கண்டறிய முடியும். கடந்த பத்தாண்டுகள் வரை, செயலற்ற நிலையில் உள்ள செல்போன் சிக்னல்களைக் கண்டறிய அனைத்து மொபைல் டிடெக்டர்களும் பயன்படுத்தப்பட்டன.

இந்த கண்டுபிடிப்பு, தடைசெய்யப்பட்ட பகுதியில் செயலில் உள்ள மொபைல் போன்களை துல்லியமாகவும் நம்பத்தக்க வகையிலும் செலவு குறைந்த முறையில் தவறாகப் பயன்படுத்துவதைத் தடுக்கும் வகையில் கண்டறியப்படுவதாகும்.

இந்த தொழில்நுட்ப கண்டுபிடிப்பின் பின்னணியில் மைக்ரோ கண்ட்ரோலர் மூலம் அனலாக் முதல் டிஜிட்டல் டிரான்ஸ்மிஷனைப் பயன்படுத்தி செல்போனிலுள்ள சிக்னல்களைத் தெளிவாக உணர முடியும்.