யாரு இவுங்க.. இங்கயே நிக்குறாங்க.. தட்டித்தூக்கிய பொதுமக்கள்.. பாராட்டிய போலீசார்!

கோவை உக்கடம் அருகே போதை மாத்திரைகளை விற்பனை செய்துகொண்டிருந்த இளைஞர்களைப் பிடித்து போலீசாரிடம் பொதுமக்கள் ஒப்படைத்தனர்.

கோயம்புத்தூர்: கோவை மாவட்டத்தின் சில பகுதிகளில் கஞ்சா, போதை மாத்திரைகள், போதை ஊசிகளின் விற்பனை இருந்து வருவதாக தொடர் குற்றச்சாட்டுகள் இருந்து வருகிறது. இந்த நிலையில், நேற்று இரவு, கோவை உக்கடம் வின்செண்ட் சாலையில் சந்தேகத்திற்கு இடமான வகையில் இளைஞர்கள் நின்றுகொண்டிருந்துள்ளனர்.

எனவே, அந்த இளைஞர்களை பிடித்த அப்பகுதி மக்கள், அவர்களிடம் விசாரித்துள்ளனர்.
அப்போது முன்னுக்குப் பின்னாகவே அவர்கள் பதிலளித்துள்ளனர். இதில், திடீரென ஒருவர் அங்கிருந்து தப்பி ஓடியுள்ளார். இதனால் சுதாரித்துகொண்ட பொதுமக்கள், இருவரை சுற்றி வளைத்துப் பிடித்து அவர்களை சோதனை செய்துள்ளனர்.

இந்தச் சோதனையில் அவர்களிடம் ஏராளமான போதை மாத்திரைகள் இருப்பதைக் கண்டு பொதுமக்கள் அதிர்ச்சி அடைந்துள்ளனர். மேலும், இது குறித்து உக்கடம் காவல் நிலையத்திற்கு தகவல் அளித்துள்ளனர். பின்னர், இந்த தகவலின் பேரில் உக்கடம் போலீசார் சம்பவ இடத்திற்கு வந்தனர்.

இதையும் படிங்க: மகன்களுக்கு பாலியல் தொல்லை… GAY சகோதரர்களால் வெளிச்சத்திற்கு வந்த உண்மை!

தொடர்ந்து, பொதுமக்கள் பிடித்து வைத்திருந்த இருவரையும் பிடித்து காவல் நிலையம் அழைத்துச் சென்றனர். இதனையடுத்து போலீசார் நடத்திய விசாரணையில், பிடிபட்ட நபர்கள், கோவை வடவள்ளியைச் சேர்ந்த நிரஞ்சன் மற்றும் உக்கடம் ஜி.எம்.நகரைச் சேர்ந்த பைசல் என்பது தெரிய வந்துள்ளது. மேலும், தப்பி ஓடியவர் குறித்தும், இருவரிடமும் போலீசார் விசாரித்து வருகின்றனர்.

லீக் ஆன பராசக்தி கதை…யார் அந்த ராஜேந்திரன்…அப்போ இதிலும் சிவகார்த்திகேயன் இறந்துவாரா…!