விஜயலட்சுமி 7 முறை கருக்கலைப்பு.. முடியவே முடியாது.. சீமானுக்கு சிக்கல்!

சீமானுக்கு எதிரான பாலியல் குற்​றச்​சாட்டு மிகவும் தீவிர​மானது என சென்னை உயர் நீதிமன்ற நீதிபதியின் விரிவான உத்தரவில் குறிப்பிடப்பட்டுள்ளது.

சென்னை: நடிகை விஜயலட்​சுமி அளித்த பாலியல் புகாரின் அடிப்படையில், நாம் தமிழர் கட்சி​யின் தலைமை ஒருங்​கிணைப்​பாளர் சீமான் மீது, வளசர​வாக்கம் போலீசார், கடந்த 2011ஆம் ஆண்டு வழக்​குப்​ப​திவு செய்​தனர். இதனையடுத்து, இந்த வழக்கை ரத்து செய்யக் கோரி சீமான் மனுத்தாக்கல் செய்தார்.

இந்த மனு, சென்னை உயர் நீதி​மன்​றத்​தில் நீதிபதி ஜி.கே.இளந்​திரையன் முன்பு, கடந்த பிப்​ரவரி 17ஆம் தேதி விசா​ரணைக்கு வந்தது. அப்போது, சீமான் மீதான பாலியல் வழக்கை ரத்து செய்ய முடி​யாது என மறுக்கப்பட்டது. மேலும், இந்த வழக்​கில் 12 வாரத்துக்​குள் இறுதி அறிக்கையைத் தாக்கல் செய்ய வேண்​டும் என போலீ​சாருக்கு உத்தர​விட்ட நீதிமன்றம், சீமான் மனுவை தள்ளுபடி செய்தது.

இந்த நிலை​யில், நீதிபதி ஜி.கே.இளந்​திரையன் பிறப்​பித்​துள்ள விரிவான உத்தர​வு வெளியாகியுள்ளது. அதில், “நடிகரும், இயக்​குநரும், நாம் தமிழர் என்ற அரசியல் கட்சியின் தலைமை ஒருங்​கிணைப்​பாளராக​வும் உள்ள சீமான் இயக்கிய படத்​தில் நடிகை விஜயலட்​சுமி நடித்​துள்ளார்.

அதில் ஏற்பட்ட பழக்கத்தை அடுத்து, தனது குடும்ப பிரச்​னை​களுக்குத் தீர்வு காண உதவி கேட்டு, சீமானை விஜயலட்​சுமி நாடி​யுள்​ளார். அப்போது, விஜயலட்​சுமியை திருமணம் செய்து கொள்​வதாக உத்தர​வாதம் அளித்​த சீமான், அவருடன் பாலியல் ரீதியாக உறவுகொண்டு திரு​மணத்​துக்கு மறுத்தது மட்டுமல்லாமல், மிரட்​டலும் விடுத்துள்ளார்.

அதன்​பிறகே, சீமானுக்கு எதிராக அவர் போலீ​சில் பாலியல் புகார் அளித்​துள்ளார். இதற்கு எதிராக சீமான் தரப்​பில் இருதரப்பு சம்மதத்​துடன் நடைபெறும் உறவு பாலியல் குற்​ற​மா​காது என்றும், 2011ஆம் ஆண்டு அளித்த புகாரை விஜயலட்​சுமி 2012ஆம் ஆண்டே வாபஸ் பெற்று ​விட்​ட​தாக​வும் வாதிடப்​பட்​டது.

ஆனால், அனைவரது முன்னிலை​யிலும் தன்னை திரு​மணம் செய்து கொள்​வதாக சீமான் அளித்த உத்தர​வாதத்தை நம்பியே அந்தப் புகாரை வாபஸ் பெற்​றதாக விஜயலட்​சுமி திரு​வள்​ளூர் மகளிர் நீதி​மன்​றத்​தில் வாக்​குமூலம் அளித்​துள்ளார். அதேபோல், சீமானுக்கு எதிரான புகாரை வாபஸ் பெறு​வதாக, வழக்​கறிஞரிடம் விஜயலட்​சுமி அளித்த கடித​மும், சம்பந்​தப்​பட்ட காவல் ஆய்வாள​ருக்குச் சென்றடையவில்லை.

எனவே, அந்த வழக்கு முடித்து வைக்​கப்​படாமல் நிலுவை​யில் இருந்து வந்துள்ளது. இந்த வழக்​கில் 15 சாட்​சிகளிடம் போலீ​சார் வாக்​குமூலம் பெற்றதாக அரசுத் தரப்​பில் தெரிவிக்கப்பட்டது. இருவருக்​குமிடையே காதல் இல்லை. உதவி கேட்டுச் சென்​ற​போது திரு​மணம் செய்து கொள்​வ​தாகக் கூறி, விஜயலட்​சுமி​யிடம் சீமான் உறவு கொண்டுள்ளார்.

இதையும் படிங்க: டேக் டைவர்ஷன் எடுத்த தவெக.. விஜய் எம்.ஜி.ஆர் தான்.. கமலுடன் மல்லுக்கட்டு!

சீமான் பாலியல் ரீதியாக ஏமாற்றிய​தால், விஜயலட்​சுமி சுமார் 7 முறை கருக்​கலைப்பும் செய்​துள்ளார். அது​மட்டுமின்றி, விஜயலட்​சுமி​யிட​ம் இருந்து பெரும் தொகை​யை​யும் சீமான் பெற்றுள்​ளார். மன உளைச்சல் மற்றும் மிரட்டல் காரண​மாகவே விஜயலட்​சுமி புகாரை வாபஸ் பெறு​வதாக கூறியுள்ளார்.

இந்த நிலையில், சீமானுக்கு எதிரான பாலியல் குற்​றச்​சாட்டு மிகவும் தீவிர​மானது. இதில் புகாரை வாபஸ் பெற்​றாலும் கூட, சமரசம் செய்துகொள்ள முடி​யாது. கடந்த 2023ஆம் ஆண்டு வரை இருவருக்​குமிடையே ஏதோ ஒருவகை​யில் தொடர்பு இருந்து வந்துள்ளது. எனவே, சீமானுக்கு எதிரான பாலியல் வழக்கை ரத்து செய்ய முடி​யாது” எனக் குறிப்பிடப்பட்டுள்ளது.