ஆசிரியையும், மாணவரும் மாறி மாறி.. கிளாஸ் ரூமிலே அப்படி.. புது விளக்கம் கொடுத்த Professor!

மேற்குவங்க பல்கலையில், மாணவரும், பேராசிரியையும் திருமணம் செய்வதுபோன்ற வீடியோ வெளியாகி வைரலாகி வருகிறது.

கொல்கத்தா: மேற்கு வங்கத்தில் உள்ள பல்கலைக்கழகம் ஒன்றில் பேராசிரியையும், மாணவனும் புதுமணத் தம்பதி போல், ஒருவருக்கொருவர் பொட்டு வைத்துக் கொண்ட காட்சிகள் இணையத்தில் வைரலாகி கண்டனங்களைப் பெற்று வருகிறது. இது தொடர்பாக விசாரணைக்கும் உத்தரவிடப்பட்டு உள்ளது.

மேற்கு வங்க மாநிலத்தின் ஹரிங்கடா பகுதியில் அமைந்துள்ளது, மௌலானா அபுல் கலாம் ஆசாத் பல்கலைக்கழகம். இந்தப் பல்கலைக்கழகத்தில், வகுப்பறைக்குள்ளேயே முதலாம் ஆண்டு மாணவரை, பேராசிரியை ஒருவர் பல்வேறு மதச் சடங்குகளுடன் திருமணம் செய்த வீடியோ வெளியாகி வைரலாகி வருகிறது.

இந்தக் காட்சியில், இருவரும் மாறி மாறி நெற்றியில் பொட்டு வைத்து, தங்களது மகிழ்ச்சியையும் வெளிப்படுத்தி உள்ளனர். இந்த வீடியோ சர்ச்சையை ஏற்படுத்தியதை அடுத்து, இது தொடர்பாக நடவடிக்கை எடுப்பது குறித்து சம்பந்தப்பட்ட பல்கலைக்கழகம் விசாரணைக் குழுவை அமைத்துள்ளது.

இதையும் படிங்க: திருநங்கைகள் தொல்லை தாங்க முடியல… கதறும் ஆட்டோ ஓட்டுநர்கள்!

ஆனால், உளவியல் துறை சார்ந்த மாணவர்களுக்கு ஆவணப்படம் காட்டுவதற்காகவே இவ்வாறு திருமணம் போன்ற வீடியோ எடுக்கப்பட்டதாக சம்பந்தப்பட்ட பேராசிரியை தரப்பில் விளக்கம் அளிக்கப்பட்டுள்ளது. இருப்பினும், இது குறித்து விசாரணை நிறைவடையும் வரை சம்பந்தப்பட்ட பேராசிரியை விடுப்பில் இருக்க பல்கலைக்கழக நிர்வாகம் அறிவுறுத்தியுள்ளது.