வார இறுதி நாளில் ஷாக் கொடுத்த தங்கம் விலை!

சென்னையில் இன்று (டிச.21) ஒரு கிராம் 22 கேரட் தங்கம் 60 ரூபாய் உயர்ந்து 7 ஆயிரத்து 100 ரூபாய்க்கு விற்பனை செய்யப்படுகிறது.

சென்னை: தங்கம் விலை கடந்த 2 வாரங்களாக தொடர்ந்து அதிகரித்தே வந்தது. இதனிடையே, வார இறுதி நாட்களில் மாற்றம் இல்லாமல் இருந்து வந்தது. ஆனால், கடந்த 3 நாட்களுக்கு முன்பு மீண்டும் தங்கம் விலை உயரத் தொடங்கியது. அதேநேரம், கடந்த 2 நாட்களாக தங்கம் விலை அதிரடி சரிவைச் சந்தித்து வருகிறது.

இந்த நிலையில், மீண்டும் தங்கம் விலை உயரத் தொடங்கி உள்ளது. இதன்படி, இன்று (டிச.21) சென்னையில் ஒரு கிராம் 22 கேரட் தங்கம் 60 ரூபாய் உயர்ந்து 7 ஆயிரத்து 100 ரூபாய்க்கு விற்பனை ஆகிறது. இதனால் ஒரு பவுன் ஆபரணத் தங்கத்தின் விலை 480 ரூபாய் உயர்ந்து 56 ஆயிரத்து 800 ரூபாய்க்கு விற்பனை செய்யப்படுகிறது.

இதையும் படிங்க: காலையில் கோர்ட் வாசல்.. மாலையில் சட்டக்கல்லூரி மாணவர்.. நெல்லையில் ஒரேநாளில் இரு கொலைகள்!

அதேபோல், 24 கேரட் தங்கம் ஒரு கிராம் 7 ஆயிரத்து 740 ரூபாய்க்கு விற்பனை ஆகிறது. இதனால் ஒரு சவரன் தங்கம் 61 ஆயிரத்து 920 ரூபாய்க்கு விற்பனை செய்யப்படுகிறது. மேலும், ஒரு கிராம் வெள்ளியும் கிராமுக்கு 1 ரூபாய் உயர்ந்து 99 ரூபாய்க்கு விற்பனை செய்யப்படுகிறது. இதனால் ஒரு கிலோ வெள்ளி 99 ஆயிரம் ரூபாய்க்கு விற்பனை ஆகிறது.