மேல்மருவத்தூர் சென்ற பேருந்தில் மின்சாரம் பாய்ந்ததில் இளம்பெண் உயிரிழந்த சம்பவம் சோகத்தை ஏற்படுத்தி உள்ளது.
ராணிப்பேட்டை: திருப்பத்தூர் மாவட்டம், வாணியம்பாடி அடுத்த வெங்கடாபுரத்தைச் சேர்ந்த சுமார் 40க்கும் மேற்பட்டோர், மேல்மருவத்தூர் ஆதிபராசக்தி கோயிலுக்கு, மாலை அணிவித்து விரதம் இருந்து சாமி தரிசனம் செய்ய திட்டமிட்டு உள்ளனர். இதன்படி, அவர்கள் சுற்றுலா பேருந்து ஒன்றை அமைத்து உள்ளனர்.
இதன்படி, இவர்கள் அனைவரும் அந்த சுற்றுலா வேனில் சாமி தரிசனம் செய்ய புறப்பட்டு உள்ளனர். அப்போது, ராணிப்பேட்டை மாவட்டம், ஆற்காடு அருகே உள்ள முப்பதுவெட்டி பகுதியில் தேநீர் அருந்துவற்காக பேருந்து ஓட்டுநர் பேருந்தை சாலையோரம் நிறுத்தி உள்ளார்.
பின்னர், பேருந்தை ரிவர்ஸ் எடுத்து உள்ளார். அப்போது, அங்கு தாழ்வாக இருந்த மின்சாரக் கம்பி பேருந்தின் டாப் மீது உரசியதில், பேருந்தில் மின்சாரம் பாய்ந்து உள்ளது. இந்த நேரத்தில், பேருந்தில் பயணித்து வந்த அகல்யா (20) என்ற இளம்பெண், பேருந்தின் கம்பியைப் பிடித்து உள்ளார்.
இதனால் மின்சாரம் பாய்ந்து அந்த இடத்திலே சரிந்து விழுந்து உள்ளார். இதனையடுத்து, அகல்யாவை மீட்ட உடன் வந்தவர்கள், அவரை ஆற்காடு அரசு மருத்துவமனைக்கு கொண்டு சென்று உள்ளனர். ஆனால், அகல்யா வரும் வழியிலேயே உயிரிழந்து விட்டதாக மருத்துவர்கள் கூறி உள்ளனர்.
இதையும் படிங்க: ’காக்கா பிரியாணியா?’.. உணவு பாதுகாப்புத் துறையினர் சோதனை.. திருவள்ளூர் பகுதிகளில் பரபரப்பு!
இதனையடுத்து, இது குறித்து ஆற்காடு நகரப் போலீசார் விசாரித்து வருகின்றனர். மேலும், ‘அகல்யா செருப்பு அணியாமல் கம்பியைத் தொட்டார். அவரைக் காப்பாற்ற முயன்ற இருவர் மீதும் மின்சாரம் பாய்ந்தது” என அவருடன் பயணித்த சந்தியா என்ற பெண் செய்தியாளர்களிடம் கூறியுள்ளார்.
கனவுக்கன்னி தற்கால இளைஞர்களின் கனவுக்கன்னிகளில் ஒருவராக வலம் வருபவர் மாளவிகா மோகனன். இவர் மலையாளத்தில் மிக பிரபலமான நடிகையாக வலம்…
தமிழ் திரைப்பிரபலங்களின் திடீர் மறைவு திரையுலகத்தை அதிர்ச்சிக்குள்ளாக்கி வருகிறது. அந்த வகையில் பிரபல திரைப்பட இயக்குநர் திடீரென மாரடைப்பால் மரணமடைந்துள்ளார்.…
தமிழக வெற்றி கழகம் கட்சியின் பூத் கமிட்டி முகவர்கள் கூட்டம் இன்று மாலை கோவை சக்தி சாலை குரும்பபாளையம் பகுதியில்…
விஜய்யின் ரோட் ஷோ தவெக தலைவர் விஜய் இன்று கோவையில் நடைபெறும் தனது கட்சியின் பூத் கமிட்டி மாநாட்டில் பங்கேற்கிறார்.…
சமீபத்தில், பிரபலமான ஹாலிவுட் வெப் தொடரான Wednesday சீசன் 2-ன் டிரெய்லர் வெளியாகி, கோலிவுட் ரசிகர்கள் மத்தியில் பெரும் பரபரப்பை…
This website uses cookies.