விழுப்புரத்தில் தனியார் மருத்துவமனையில் சிகிச்சை பெற்ற இளம் பெண் தவறான சிகிச்சையில் உயிரிழந்து விட்டதாக கூறி உறவினர்கள் மருத்துவமனையில் போராட்டத்தில் ஈடுபட்டதால் பரபரப்பு நிலவியது.
விழுப்புரம் மாவட்டம் விக்கிரவாண்டி வட்டம் கெடார் அடுத்த துறவி தாங்கள் கிராமத்தை சேர்ந்தவர் ரெமிஜோஸ். இவர் தனியார் உணவகத்தில் மாஸ்டராக வேலை பார்த்து வருகிறார்.
இவரது மனைவி ஜெனிஃபர் (28), இவருக்கு குழந்தை இல்லாததால் விழுப்புரம் மாம் சாலையில் உள்ள ஒரு தனியார் மருத்துவமனையில் (சுமதி மருத்துவமனையில்) கடந்த இரண்டு மாதமாக சிகிச்சை பெற்று வருவதாக சொல்லப்படுகிறது.
இந்த நிலையில், அவரை பரிசோதனை செய்த மருத்துவர்கள் கர்ப்பப்பை குழாயில் அடைப்பு இருப்பதாகவும், அதனை ஆபரேஷன் மூலம் அகற்றி விட்டால் குழந்தை பிறக்கும் எனவும் கூறி, நேற்று காலை ஜெனிபர் மருத்துவமனையில் அனுமதிக்கப்பட்டார். அவருக்கு மாலையில் மருத்துவர்கள் அறுவை சிகிச்சை செய்துள்ளனர்.
பிறகு நேற்று மாலையில் இருந்து தற்போது வரை சுயநினைவு இல்லாமல் இருந்துள்ளார். மருத்துவமனை நிர்வாகத்திடம் கேட்டால் உரிய பதில் ஏதும் இல்லை.
இந்நிலையில் அவரது உறவினர்கள் ஜெனிபர் இறந்து விட்டதாக கூறி மருத்துவமனையில் அழுது புலம்பி போராட்டத்தில் ஈடுபட்டு வருகின்றனர். இது குறித்து தகவல் அறிந்த காவல்துறையினர் மருத்துவமனைக்கு வந்து ஜெனிஃபர் கணவர் மற்றும் அவரது உறவினரிடம் பேச்சுவார்த்தையில் ஈடுபட்டனர்.
மேலும், ஜெனிஃபர் உறவினர் கூறுகையில் தனியார் மருத்துவமனை நிர்வாகம் தவறான அறுவை சிகிச்சை செய்ததாகவும் அதனால்தான் ஜெனிபர் உயிர்ழந்ததாகவும் கூறி அவரது உடலை வாங்க மறுத்து உறவினர்கள் மருத்துவமனையில் போராட்டத்தில் ஈடுபட்டு வருகின்றனர். மேலும், மருத்துவமனையில் காவல் துறையினர் குவிக்கப்பட்டுள்ளனர்.
மேலும் இறந்த இளம் பெண்ணின் உடலை போலீசார் கைப்பற்றி முண்டியம்பாக்கம் அரசு மருத்துவமனைக்கு கொண்டு சென்று பிரேத பரிசோதனை மேற்கொள்ள உள்ளனர்.
ஜம்மு காஷ்மீர் பஹல்காம் பயங்கரவாத தாக்குதலில் இறந்த நெல்லூர் மாவட்டம் காவலியை சேர்ந்த மதுசூதன் ராவ் சோமிசெட்டியின் உடலுக்கு துணை…
புதுமைனா கமல்ஹாசன்தான்! சினிமாத்துறையை பொறுத்தவரை கமல்ஹாசன் பல நவீன தொழில்நுட்பங்களை அறிமுகம் செய்துள்ளார். இது பலருக்கும் தெரிந்த செய்திதான். ஆனால்…
தெலங்கானா மாநிலம் குமுரம்பீம் ஆசிபாபாத் மாவட்டம் ஜெய்னூர் மண்டலம், அடேசரா பழங்குடியினர் கிராமத்தைச் சேர்ந்த ரம்பாபாய் - பத்ருஷாவ் தம்பதியினரின்…
அடுத்த படத்துக்கு யார் இயக்குனர்? அஜித்குமார் நடிப்பில் வெளியான “குட் பேட் அக்லி” திரைப்படம் ரசிகர்கள் மத்தியில் நல்ல வரவேற்பை…
தமிழகத்துக்கு அடுத்த வருடம் சட்டமன்ற தேர்தல் நடைபெற உள்ளது. இதனால் அரசியல் கட்சிகளிடையே கூட்டணி, தேர்தல் வியூகம் என அடுத்தடுத்து…
இசைப்புயலுக்கு வந்த சோதனை ஏ.ஆர்.ரஹ்மான் என்னும் இசைப்புயல் 32 வருடங்களுக்கு மேல் வீரியம் குறையாமல் வீசிக்கொண்டே இருக்கிறது. இக்கால தலைமுறைக்கும்…
This website uses cookies.