விருதுநகர் : அதிமுக நிர்வாகிகளை மிரட்டும் தொனியில் பேசிய அக்கட்சியின் ஒன்றிய செயலாளர், தன்னை கைது செய்ய போலீசார் வருவதைக் கண்டு மாடியில் இருந்து குதித்ததால் கால்முறிவு ஏற்பட்டது.
நகர்ப்புற உள்ளாட்சி தேர்தலுக்கான வேட்புமனு தாக்கல் நிறைவடைந்தது. இன்று பரிசீலனை செய்யப்பட்ட பிறகு 7ம் தேதி மாலை அதிகாரப்பூர்வமாக வேட்பாளர் பட்டியல் வெளியாகி விடும். எனவே, அனைத்து அரசியல் கட்சிகள் மற்றும் சுயேட்சைகள் தீவிர தேர்தல் பணிகளில் ஈடுபட்டு வருகின்றனர். இதன் ஒருபகுதியாக, கடந்த மாதம் 28ம் தேதி விருதுநகர் மாவட்டம் சாத்தூரில் அதிமுக ஆலோசனைக் கூட்டம் நடைபெற்றது. இதில், அதிமுக கிழக்கு ஒன்றிய செயலாளர் சண்முகக்கணி கலந்து கொண்டு பேசினார்.
அப்போது, “அதிமுகவில் போட்டியிட்டு வெற்றி பெற்ற பிறகு, யாரேனும் கட்சி மாறி போனால் அவனை வீடு தேடி வெட்டுவேன். மாவட்ட செயலாளரிடம் சொல்லிவிட்டு வெட்டுவேன், என் வெட்டு முதல் வெட்டாக இருக்கும், உங்கள் பிரேத பரிசோதனை அரசு மருத்துவமனையில்தான் இருக்கும்,” என கட்சியினரை மிரட்டும் தொனியில் பேசினார். அவரது பேச்சு சமூக வலைதளங்களில் வைரலான நிலையில், பெரும் பரபரப்பு ஏற்பட்டது.
இது குறித்து சண்முகக்கணி மீது கொலை மிரட்டல், அச்சுறுத்தும் வகையில் நடந்து கொண்டது, கலவரத்தை ஏற்படுத்தி பொது அமைதிக்கு குந்தகம் விளைவிக்கும் விதமாக பேசியது ஆகிய 3 பிரிவுகளின் கீழ் போலீசார் வழக்குப்பதிவு செய்து, அவரை தனிப்படை அமைத்து தேடி வந்தனர்.
இந்த நிலையில், சண்முகக்கணி அவரது வீட்டில் இருப்பதாக போலீசாருக்கு தகவல் கிடைத்தவுடன் அங்கு சென்றுள்ளனர். அப்போது, போலீசார் வருவதைக் கண்டி அவர், மாடியில் இருந்து குதித்து தப்புவதற்கு முயன்றார். இதில், தவறி விழுந்ததில் அவருக்கு கால் முறிவு ஏற்பட்டது. பின்னர், கோவில்பட்டி தனியார் மருத்துவமனையில் சிகிச்சைக்காக அவர் அனுமதிக்கப்பட்டுள்ளார்.
தேர்தலை நோக்கி விஜய் 2026 ஆம் ஆண்டு சட்டமன்ற தேர்தலை விஜய் சந்திக்கவுள்ள நிலையில் அதற்கான ஆயத்தங்களை மிகத் தீவிரமாக…
மதுரை முனிச்சாலை தினமணி தியேட்டர் சந்திப்பில் மதிமுக முதன்மை செயலாளரும், திருச்சி நாடாளுமன்ற உறுப்பினருமான துரை வைகோ தலைமையில் கண்டன…
இயக்குநர் பாலா உருவாக்கும் படங்கள் தனித்தரம் வாய்ந்தவை. தமிழ் சினிமாவில் தனக்கென பாணியில் உருவாக்கி சாதனை படைத்தவர். நடிக்கத் தெரியாதவர்களை…
சுந்தர் சி-நயன்தாரா கூட்டணி 2020 ஆம் ஆண்டு நயன்தாரா அம்மனாக நடித்து வெளிவந்த “மூக்குத்தி அம்மன்” திரைப்படம் ரசிகர்களிடையே மிகப்பெரிய…
திருவள்ளூர் வடக்கு மாவட்ட அதிமுக சார்பில் பழவேற்காடு தாங்கள் பெரும்புலம் அவுரிவாக்கம் உள்ளிட்ட ஊராட்சிகளுக்கு பூத் கமிட்டி ஆலோசனைக் கூட்டம்…
கமல்ஹாசன்-சிம்பு-மணிரத்னம் மணிரத்னம் இயக்கத்தில் கமல்ஹாசன், சிம்பு ஆகியோரின் நடிப்பில் உருவாகியுள்ள “தக் லைஃப்” திரைப்படம் வருகிற ஜூன் மாதம் 5…
This website uses cookies.