ராமர் கோவில் திறப்பு விழா நடப்பதையொட்டி தமிழகத்தில் பொது விடுமுறை அறிவிக்க வேண்டும் என்று பாஜக சார்பில் கோரிக்கை விடுக்கப்பட்டது.
பல்வேறு சர்ச்சைகள் மற்றும் சட்டப்போராட்டங்களுக்கு பிறகு உத்தரபிரதேசம் மாநிலம் அயோத்தியில் ராமர் கோவில் கட்டப்பட்டுள்ளது. 2021ம் ஆண்டு பிரதமர் மோடி அடிக்கல் நாட்டிய நிலையில், பெரும்பாலான பணிகள் நிறைவடைந்து, வரும் 22ம் தேதி கும்பாபிஷேகம் நடைபெற இருக்கிறது.
இதையொட்டி, கடந்த சில தினங்களாகவே அயோத்தியில் விழாக் கோலம் பூண்டுள்ளது. இந்த கோவில் கும்பாபிஷேகத்தில் நாடு முழுவதும் உள்ள அரசியல் தலைவர்கள், பிரபலங்கள் என முக்கிய பிரமுகர்களுக்கு பாஜக சார்பில் அழைப்பு விடுக்கப்பட்டுள்ளது.
அயோத்தி ராமர் கோவில் கும்பாபிஷேகத்தை ஒட்டி வரும் 22ம் தேதி உத்தரபிரதேத்தில் உள்ளூர் விடுமுறை அறிவிக்கப்பட்டுள்ளது. அதேபோல, அன்றைய தினம் மத்திய அரசு அலுவலகங்களுக்கு அரை நாள் விடுப்பு வழங்கப்பட்டுள்ளது. இதேபோல, பல்வேறு மாநில அரசுகளும் விடுமுறையை அறிவித்துள்ளன.
இந்த நிலையில் தமிழகத்திற்கும் பொது விடுமுறை அறிவிக்க வேண்டும் என அரசுக்கு, பாஜக கோரிக்கை விடுத்துள்ளது.
இதுகுறித்து, தமிழக பாஜக துணை தலைவர் நாராயணன் திருப்பதி வெளியிட்டுள்ள அறிக்கையில் கூறியிருப்பதாவது :- ராமர் கோவில் கும்பாபிஷேகத்திற்கு, தமிழகத்திலும் பொது விடுமுறை அறிவிக்க வேண்டும். இந்த நூற்றாண்டின் மகத்தான நிகழ்வை, தமிழக மக்கள் கண்டு களித்து, இறைவன் ராமர் அருள் பெற, முதலமைச்சர் ஸ்டாலின் விடுமுறை அறிவிக்க வேண்டும். என தெரிவித்துள்ளார்.
பல்வேறு நாடுகள் மீது அமெரிக்க அதிபர் கூடுதல் வரி விதிப்பை அறிவித்ததன் எதிரொலியால் பங்குச்சந்தைகள் கடும் சரிவை சந்தித்துள்ளன. அமெரிக்கா…
முழு நேர அரசியலில் விஜய் தனது கடைசி திரைப்படமான “ஜனநாயகன்” திரைப்படத்தில் நடித்துக்கொடுத்துவிட்டு முழு நேர அரசியல்வாதியாக உருமாறவுள்ளார் விஜய்.…
அரியலூர் ஜெயங்கொண்டம் ஆண்டிமடத்தில் பாஜகவின் மூத்த தலைவர் ஹெச். ராஜா செய்தியாளர்களை சந்தித்தார் அப்போது தமிழகத்தில் இந்துக்களுக்கு விரோதமாக செயல்படும்…
ஆந்திர துணை முதல்வரும் ஜனசேனா கட்சி தலைவருமான பவன் கல்யாண் தமிழகத்தில் ஆன்மீக பயணம் மேற்கொண்டு கடந்த பிப்ரவரி மாதம்…
நிறைவேற்றப்பட்ட வக்ஃபு வாரிய மசோதா இன்று மக்களவையில் ஒன்றிய பாஜக அரசால் வக்ஃபு வாரிய சட்டத் திருத்த மசோதா நிறைவேற்றப்பட்டுள்ளது.…
நஷ்டத்தில் தத்தளிக்கும் லைகா லைகா நிறுவனம் தமிழ் திரையுலகில் காலடி எடுத்து வைத்ததை தொடர்ந்து பல வெற்றித் திரைப்படங்களை கொடுத்தது.…
This website uses cookies.