முடி திருத்துபவர்களை அவமதிக்கும் விதமாக பாஜகவினரை விமர்சிப்பதாக திமுக எம்பி தயாநிதி மாறனுக்கு பாஜக மாநில தலைவர் அண்ணாமலை கடும் கண்டனம் தெரிவித்துள்ளார்.
திமுகவின் விளையாட்டு மேம்பாட்டு அணிச் செயலாளரும், திமுக எம்பியுமான தயாநிதி மாறன், அண்மையில் வட இந்திய மக்கள் குறித்து பேசிய விவகாரம் பெரும் சர்ச்சையை ஏற்படுத்தியது. திமுக அங்கம் வகிக்கும் இண்டியா கூட்டணியில் கூட கடும் எதிர்ப்புகள் கிளம்பின.
இந்த நிலையில், திமுக எம்பி தயாநிதி மாறனின் தற்போதைய பேச்சு மீண்டும் சர்ச்சையான நிலையில், அவருக்கு பாஜக மாநில தலைவர் அண்ணாமலை கடும் கண்டனம் தெரிவித்துள்ளது.
தயாநிதி மாறன் பேசிய சர்ச்சைக்குள்ளான பழைய வீடியோவை பாஜகவினர் மீண்டும் சமூகவலைதளங்களில் டிரெண்டாக்கி வருவது குறித்து அவரிடம் செய்தியாளர்கள் கேள்வி எழுப்பினர். இதற்கு பதிலளித்த அவர், “வேலையில்லாத முடி திருத்துபவர் பூனையை பிடித்து சிரைப்பார் என்று ஒரு பழமொழி உள்ளது. அதுபோல பாஜக தகவல் தொழில்நுட்ப அணியைச் சேர்ந்தவர்கள் எங்கள் மீது ஏதாவது களங்கத்தை ஏற்படுத்த வேண்டும் என்ற எண்ணத்தில் செயல்படுகிறார்கள். அதுவும் தேசிய அளவில் உள்ள பாஜக ஐடி விங் நிர்வாகிகள், ஏதோ ஒரு பிரச்னையை உருவாக்கி அதனை பூதாகரப்படுத்தி பலன்பெறலாம் என நினைக்கிறார்கள். அது எடுபடாது”, எனக் கூறினார்.
இந்த வீடியோவை பகிர்ந்த பாஜக மாநில தலைவர் அண்ணாமலை, திமுக எம்பி தயாநிதி மாறனுக்கு பதிலடி கொடுத்துள்ளார். அதாவது, “தொழில் அல்லது மொழியால் ஒருவரை இழிவுபடுத்துவது மட்டுமே திமுக எம்பி தயாநிதி மாறனுக்கு கைவந்த கலை. தயாநிதி மாறன் மன்னிப்புக் கேட்பதற்குப் பதிலாக, நமது வட இந்திய சகோதர சகோதரிகளை இழிவாக பேசிய வீடியோவை பரப்புபவர்களையும் அதுகுறித்து கருத்து தெரிவிப்பவர்களையும் வேலையில்லா முடிதிருத்துநர் என்று வசைபாடுகிறார்.
இதுபோன்ற பேச்சுகள் மூலம் தேர்தல் தோல்வியை கொடுத்தாலும், இண்டியா கூட்டணியில் உள்ள தலைவர்களின் உறுதியை அசைப்பதாகத் தெரியவில்லை என்பது மட்டும் தெளிவாக தெரிகிறது, எனக் குறிப்பிட்டுள்ளார்.
மனதில் வாழும் கலைஞன் சின்ன கலைவாணர் என்று புகழப்படும் விவேக் இந்த உலகத்தை விட்டுச் சென்றிருந்தாலும் அவரது நினைவுகள் தமிழ்…
சென்னையில் செய்தியாளர்களை சந்தித்த விசிக லைவர் தொல் திருமாவளவன், அதிமுகவை வெகுவாக பாராட்டியுள்ளார். இதையும் படியுங்க: வக்பு மசோதாவுக்கு கனிமொழி,…
மெகா வசூல் பிரதீப் ரங்கநாதன் நடிப்பில் அஸ்வத் மாரிமுத்து இயக்கத்தில் கடந்த பிப்ரவரி மாதம் வெளியான “டிராகன்” திரைப்படம் வேற…
அவ்வப்போது பிரபலங்கள் ஏதாவது ஒரு கருத்தை செல்லி சர்ச்சையில் சிக்கிக்கொள்வது வழக்கம். அந்த வரிசையில் தற்போது சின்னத்திரை நடிகை சிக்கியுள்ளார்.…
கிருஷ்ணகிரி மாவட்டம் ஒசூர் அருகே உள்ள தனியார் மருத்துவக்கல்லூரி மருத்துவமனையில் அதிமுக மாநிலங்களவை எம்பி மு.தம்பிதுரை அவர்கள் பத்திரிகையாளர்களை சந்தித்து…
பராசக்தி ஹீரோ சுதா கொங்கரா இயக்கத்தில் சிவகார்த்திகேயன் நடித்து வரும் “பராசக்தி” திரைப்படத்தின் படப்பிடிப்பு மும்முரமாக நடைபெற்று வருகிறது. இத்திரைப்படத்தின்…
This website uses cookies.