சென்னை பேசின்பிரிட்ஜ் அருகே ரயிலில் தீ விபத்தா..? வைரலாகும் வீடியோ… டக்கென ரியாக்ஷன் கொடுத்த தெற்கு ரயில்வே!!

சென்னை – பேசின்பிரிட்ஜ் அருகே லோக்மானிய திலக் எக்ஸ்பிரஸ் ரயிலில் தீவிபத்து ஏற்பட்டதாக வீடியோ வெளியான நிலையில், தெற்கு ரயில்வே விளக்கம் அளித்துள்ளது.

சென்னை பேசின் பிரிட்ஜ் அருகே லோக்மான்ய திலக் விரைவு ரயிலில் திடீரென புகை வெளியேறியது. இதனால், சென்னை சென்ட்ரலில் இருந்து மும்பை நோக்கி சென்ற அந்த விரைவு ரயில் பாதி வழியிலேயே நிறுத்தப்பட்டது. இதனால், ரயிலில் தீவிபத்து ஏற்பட்டதாக பயணிகள் அலறியடித்து ஓடினர்.

பின் ஏசி பெட்டியில் ஏற்பட்ட கோளாறு சரி செய்யப்பட்டு 30 நிமிடம் தாமதமாக ரயில் புறப்பட்டு சென்றது. இதனிடையே, ரயிலின் ஏசி பெட்டியில் தீவிபத்து ஏற்பட்டதாக செய்திகள் வெளியாகின.

இந்த செய்திகளுக்கு தெற்கு ரயில்வே மறுப்பு தெரிவித்துள்ளது. இது தொடர்பாக ரயில்வே நிர்வாகம் வெளியிட்டுள்ள டுவிட்டர் பதிவில், ‘தீ விபத்து ஏதுமில்லை. மின் கசிவினால் புகை வெளியேறியதால் ரயில் நிறுத்தப்பட்டது. பின்னர், கோளாறு சரி செய்யப்பட்டு மீண்டும் இயக்கப்பட்டு விட்டது,’ என விளக்கம் அளித்துள்ளது.

நடுரோட்டிற்கு வந்த சரத்குமார்…வைரலாகும் வீடியோவால் பரபரப்பு..

Views: - 375

0

0