அதிகாலையிலேயே அடித்து ஊற்றும் கனமழை… பல மாவட்டங்களில் பள்ளிகளுக்கு இன்று விடுமுறை.. உங்க ஊரு அந்த லிஸ்ட்-ல இருக்கா…?

தொடர் கனமழை காரணமாக தமிழகத்தின் பல்வேறு மாவட்டங்களில் இன்று பள்ளிகளுக்கு மட்டும் விடுமுறை அறிவிக்கப்பட்டுள்ளது.

தமிழகத்தில் மீண்டும் பருவமழை தீவிரமடைந்த நிலையில், தமிழகம், புதுச்சேரி மற்றும் காரைக்கால் பகுதிகளில் கனமழை பெய்து வருகிறது. குறிப்பாக, கேரள பகுதியில் நிலவும் வளிமண்டல சுழற்சியின் காரணமாக 26ம் தேதி வரை கனமழைக்கு வாய்ப்பு இருப்பதாக வானிலை ஆய்வு மையம் தெரிவித்துள்ளது.

தமிழகத்தில் அடுத்த 24 மணிநேரத்தில் நீலகிரி, கோவை, தேனி மற்றும் திண்டுக்கல் உள்ளிட்ட மேற்கு தொடர்ச்சியை ஒட்டியுள்ள மாவட்டங்களில் கனமழைக்கு வாய்ப்பு இருப்பதாகவும், டெல்டா மாவட்டங்களில் ஒருசில மாவட்டங்களில் கனமழை பெய்யும் என்று வானிலை மையம் எச்சரிக்கை விடுத்திருந்தது.

இந்த நிலையில், இன்று அதிகாலை முதலே தமிழகத்தில் பல்வேறு மாவட்டங்களில் கனமழை பெய்து வருகிறது. இதனால், முன்னெச்சரிக்கை நடவடிக்கையாக, கன்னியாகுமரி, திருநெல்வேலி, தென்காசி, தேனி, தூத்துக்குடி, விருதுநகர், புதுக்கோட்டை, நீலகிரி, கோவை (காரமடை ஒன்றியம் மட்டும்) ஆகிய மாவட்டங்களில் உள்ள பள்ளிகளுக்கு மட்டும் இன்று விடுமுறை அறிவிக்கப்பட்டுள்ளது. தேவேளையில், சென்னையில், பள்ளி, கல்லூரிகளுக்கு இன்று விடுமுறை அறிவிக்கப்படவில்லை.