ஜெய் ஜனநாயகம்.. வெல்லும் ஜனநாயகம்.. விசிக தலைவர் திருமாவளவன் கடும் விமர்சனம்.. வைரலாகும் ட்வீட்!

ஜெய் ஜனநாயகம்.. வெல்லும் ஜனநாயகம்.. விசிக தலைவர் திருமாவளவன் கடும் விமர்சனம்.. வைரலாகும் ட்வீட்!

இஸ்லாமியர்களுக்கு எதிரான வெறுப்பு அரசியல், இராமரின் பெயரால் வெற்றிவாகை சூடியுள்ளது என விசிக தலைவர் திருமாவளவன் தெரிவித்துள்ளார்.

அயோத்தி ராமர் கோவில் குடமுழுக்கு விழா தொடர்பாக விடுதலை சிறுத்தைகள் கட்சி தலைவரும், எம்.பி.யுமான தொல்.திருமாவளவன் வெளியிட்டுள்ள எக்ஸ் தள பதிவில், யோத்தியில் வரலாற்றுத் திரிபு வாதம், பெரும்பான்மை ஆதிக்க வாதத்தால் வென்றுள்ளது. இசுலாமியர்களுக்கு எதிரான வெறுப்பு அரசியல், இராமரின் பெயரால் வெற்றிவாகை சூடியுள்ளது.

இராமர் என்கிற சத்திரிய அடையாளத்தை ஆயுதமாக ஏந்தி, மோடி என்கிற வைஸ்யரைக் கொண்டு அப்பாவி சூத்திர இந்துக்களை ஏய்த்து அவர்களை வீழ்த்திய பிராமண சனாதனிகளின் அரசியல் சூதாட்ட வெற்றி விழாதான் அயோத்தியில் நடந்தேறியுள்ளது.

இந்துத்துவா என்னும் பெயரில் சைவம் உள்ளிட்ட பிற இந்து அடையாளங்கள் யாவற்றையும் பார்ப்பனிய வைணவமயமாக்கும் சூழ்ச்சி அரங்கேறியுள்ளது. இது இசுலாமியர், கிறித்தவர்களுக்கு மட்டுமின்றி, ஒட்டு மொத்த தேசத்திற்கும், அரசமைப்புச் சட்டத்தின் விழுமியங்களுக்கும் எதிரானது. #ஜெய்ஜனநாயகம் #வெல்லும்ஜனநாயகம்” என விமர்சித்துள்ளார்.