நெல்லை : திசையன்விளை பேரூராட்சி தலைவர் பதவியை குலுக்கல் முறையில் அதிமுக கைப்பற்றிய நிலையில், ரூ.50 லட்சம் ரொக்கத்திற்கும், துணைத் தலைவர் பதவிக்கும் மயங்காத அதிமுக பெண் கவுன்சிலரின் நேர்மை பெரிதும் பேசப்பட்டு வருகிறது.
நெல்லை மாவட்டம் திசையன்விளை பேரூராட்சியில் மொத்தம் உள்ள 18 இடங்களில் அதிமுக 9 இடங்களையும், திமுக, காங்கிரஸ் தலா 2 இடங்களையும், பாஜக, தேமுதிக தலா ஒரு இடத்திலும், சுயேட்சைகள் 3 வார்டுகளிலும் வெற்றி பெற்றுள்ளனர்.
ஊராட்சி ஒன்றிய துவக்கப்பள்ளி தலைமை ஆசிரியர் பதவியை ராஜினாமா செய்து விட்டு, சுயேட்சையாக போட்டியிட்டு வெற்றி பெற்ற கமலா நேரு உள்பட 3 சுயேட்சைகளும் திமுகவில் இணைந்து கொண்டனர்.
இதனிடையே, திசையன்விளை பேரூராட்சியின் தலைவர் பதவிக்கு திமுக தலைமை சுபீனா என்பவரை அறிவித்தது. ஆனால், அவரை முன்மொழிய ஒருவரும் இல்லாததால், அவரது வேட்புமனுவை தேர்தல் அதிகாரிகள் தள்ளுபடி செய்தனர். இதையடுத்து, திமுகவில் இணைந்த சுயேட்சையான கமலா நேருவை அதிமுகவுக்கு எதிராக களமிறக்க உள்ளூர் திமுக நிர்வாகிகள் முடிவு செய்தனர்.
அதன்படி, தேர்தலில் அதிமுக மற்றும் திமுக இரு கட்சிகளும் தலா 9 வாக்குகளுடன் சமநிலையில் இருந்தனர்.
இதனிடையே, பேரூராட்சி தலைவர் பதவியை கைப்பற்ற பாஜக, தேமுதிக மற்றும் சுயேட்சைகளை வளைத்து போட்ட திமுகவினரால், 9வது வார்டு அதிமுக நிர்வாகியான உமா என்பவரை விலைபேசி வழிக்கு கொண்டு வர முடியவில்லை. திமுகவுக்கு ஆதரவு அளிக்கும் பட்சத்தில் ரூ.50 லட்சம் ரொக்கமும், துணை தலைவர் பதவியும் தருவதாக ஆசை வார்த்தைக் கூறினார். இது தொடர்பான ஆடியோ சமூக வலைதளங்களில் வைரலாகி வருகிறது.
பணத்திற்கு ஆசைப்படாமல் கட்சி மீதான பற்றும், விஸ்வாசமும் உள்ள இதுபோன்ற அரசியல்வாதிகள்தான் தமிழகத்திற்கு தேவை என பொதுமக்கள் கருத்து தெரிவித்து வருகின்றனர்.
தேர்தலை நோக்கி விஜய் 2026 ஆம் ஆண்டு சட்டமன்ற தேர்தலை விஜய் சந்திக்கவுள்ள நிலையில் அதற்கான ஆயத்தங்களை மிகத் தீவிரமாக…
மதுரை முனிச்சாலை தினமணி தியேட்டர் சந்திப்பில் மதிமுக முதன்மை செயலாளரும், திருச்சி நாடாளுமன்ற உறுப்பினருமான துரை வைகோ தலைமையில் கண்டன…
இயக்குநர் பாலா உருவாக்கும் படங்கள் தனித்தரம் வாய்ந்தவை. தமிழ் சினிமாவில் தனக்கென பாணியில் உருவாக்கி சாதனை படைத்தவர். நடிக்கத் தெரியாதவர்களை…
சுந்தர் சி-நயன்தாரா கூட்டணி 2020 ஆம் ஆண்டு நயன்தாரா அம்மனாக நடித்து வெளிவந்த “மூக்குத்தி அம்மன்” திரைப்படம் ரசிகர்களிடையே மிகப்பெரிய…
திருவள்ளூர் வடக்கு மாவட்ட அதிமுக சார்பில் பழவேற்காடு தாங்கள் பெரும்புலம் அவுரிவாக்கம் உள்ளிட்ட ஊராட்சிகளுக்கு பூத் கமிட்டி ஆலோசனைக் கூட்டம்…
கமல்ஹாசன்-சிம்பு-மணிரத்னம் மணிரத்னம் இயக்கத்தில் கமல்ஹாசன், சிம்பு ஆகியோரின் நடிப்பில் உருவாகியுள்ள “தக் லைஃப்” திரைப்படம் வருகிற ஜூன் மாதம் 5…
This website uses cookies.