தமிழக கோவில்களில் ராமருக்கு சிறப்பு பூஜை செய்ய அனுமதி இல்லை என்று இந்து அறநிலையத்துறை அதிகாரி கூறும் ஆடியோவை பாஜக மாநில தலைவர் அண்ணாமலை வெளியிட்டுள்ளார்.
ராமர் கோவில் கும்பாபிஷேகம் இன்று கோலாகலமாக நடைபெறுகிறது. இதையொட்டி, நாடு முழுவதும் உள்ள கோவில்களில் பொதுமக்கள் மற்றும் அரசியல் கட்சி பிரமுகர்களால் சிறப்பு பூஜைகள் நடத்தப்பட்டு வருகிறது.
அந்த வகையில், தமிழக கோவில்களில் பாஜகவினரால் சிறப்பு பூஜைகள் செய்ய கோரிக்கை விடுக்கப்பட்டது. ஆனால், ராமர் கோவிலுக்கான சிறப்பு பூஜைகளை செய்ய அனுமதிக்கக் கூடாது என்று இந்து அறநிலையத்துறை சார்பில் வாய்மொழி உத்தரவிடப்பட்டதாக சொல்லப்படுகிறது.
இதற்கு மத்திய நிதியமைச்சர் நிர்மலா சீதாராமன் மற்றும் பாஜக மாநில தலைவர் அண்ணாமலை உள்ளிட்டோர் கடும் கண்டனம் தெரிவித்தனர். ஆனால், இதுபோன்று எந்த உத்தரவும் பிறப்பிக்கவில்லை என்று இந்து அறநிலையத்துறை அமைச்சர் சேகர் பாபு விளக்கம் அளித்திருந்தார்.
இந்த நிலையில், ராமர் கோவிலுக்கான சிறப்பு பூஜைகளை செய்ய அனுமதிக்கக் கூடாது என்று உத்தரவிடப்பட்டிருப்பதாக இந்து சமய அறநிலையத்துறை அதிகாரி ஒருவர் பேசும் ஆடியோவை அண்ணாமலை வெளியிட்டு பரபரப்பை ஏற்படுத்தியுள்ளது.
பாஜக பெண் நிர்வாகி ஒருவர் இந்து சமயநிலையத்துறை அதிகாரியை தொடர்பு கொண்டு, ராமர் கோவில் கும்பாபிஷேகத்தையொட்டி சிறப்பு பூஜைகள் செய்ய அனுமதிக்க வேண்டும் என்று கோரிக்கை விடுக்கிறார். ஆனால், பூஜைகளுக்கு அனுமதி அளிக்கக் கூடாது என்று வாய்மொழியாக உத்தரவு வந்துள்ளதாகவும், மீறி அனுமதித்தால் தனக்கு பிரச்சனை ஏற்படும் என்று அந்த அதிகாரி கூறுவது அந்த ஆடியோவில் பதிவாகியுள்ளது. இது தமிழகத்தில் உள்ள இந்து மக்களிடையே பெரும் அதிர்ச்சியை ஏற்படுத்தியுள்ளது.
மனதில் வாழும் கலைஞன் சின்ன கலைவாணர் என்று புகழப்படும் விவேக் இந்த உலகத்தை விட்டுச் சென்றிருந்தாலும் அவரது நினைவுகள் தமிழ்…
சென்னையில் செய்தியாளர்களை சந்தித்த விசிக லைவர் தொல் திருமாவளவன், அதிமுகவை வெகுவாக பாராட்டியுள்ளார். இதையும் படியுங்க: வக்பு மசோதாவுக்கு கனிமொழி,…
மெகா வசூல் பிரதீப் ரங்கநாதன் நடிப்பில் அஸ்வத் மாரிமுத்து இயக்கத்தில் கடந்த பிப்ரவரி மாதம் வெளியான “டிராகன்” திரைப்படம் வேற…
அவ்வப்போது பிரபலங்கள் ஏதாவது ஒரு கருத்தை செல்லி சர்ச்சையில் சிக்கிக்கொள்வது வழக்கம். அந்த வரிசையில் தற்போது சின்னத்திரை நடிகை சிக்கியுள்ளார்.…
கிருஷ்ணகிரி மாவட்டம் ஒசூர் அருகே உள்ள தனியார் மருத்துவக்கல்லூரி மருத்துவமனையில் அதிமுக மாநிலங்களவை எம்பி மு.தம்பிதுரை அவர்கள் பத்திரிகையாளர்களை சந்தித்து…
பராசக்தி ஹீரோ சுதா கொங்கரா இயக்கத்தில் சிவகார்த்திகேயன் நடித்து வரும் “பராசக்தி” திரைப்படத்தின் படப்பிடிப்பு மும்முரமாக நடைபெற்று வருகிறது. இத்திரைப்படத்தின்…
This website uses cookies.