கோவை: கோவையில் கிஃப்ட் வாங்குவது போல் நடித்து பெண்ணின் முகத்தில் கரப்பான் பூச்சி மருந்தை அடித்து செயினை திருட முயன்ற பெண்ணை போலீசார் கைது செய்துள்ளனர்.
கோவை ரத்தினபுரி பகுதியை சேர்ந்தவர் சந்திரமோகன். இவரது மனைவி செல்வராணி (57). இவர்கள் அதே பகுதியில் உள்ள தண்டு மாரியம்மன் கோவில் அருகே பேன்சி கடை நடத்தி வருகின்றனர். இந்த நிலையில், நேற்று மாலை செல்வராணி மட்டும் கடையில் தனியாக இருந்துள்ளார்.
அப்போது கிஃப்ட் வாங்குவது போல் பெண் ஒருவர் வந்தார். செல்வராணியிடம் பேச்சுக் கொடுத்துக் கொண்டே இருந்த அந்த பெண் திடீரென கரப்பான் பூச்சி ஸ்பிரேவை எடுத்து செல்வராணியின் முகத்தில் அடித்தார். பதறிப்போன செல்வராணி கூச்சலிட்டார். அதற்குள் அந்த பெண் செல்வராணி கழுத்தில் அணிந்திருந்த 7 பவுன் தங்க சங்கிலியை பறித்துக் கொண்டு கடையில் இருந்து வெளியே ஓடினார்.
செல்வராணி மீண்டும் கூச்சலிடவே ஓட முயன்ற அந்த பெண்ணை அக்கம் பக்கத்தினர் கையும் களவுமாக பிடித்தனர். மேலும், இதுகுறித்து ரத்தினபுரி போலீசாருக்கு தகவல் அளித்தனர். அதன்பேரில் சம்பவ இடத்திற்கு வந்த போலீசார் அந்த பெண்ணிடம் விசாரித்ததில் அவர் மதுரை மாவட்டம் மேலூரை சேர்ந்த சரவண ரவி என்பவரது மனைவி தவமணி (36) என்பது தெரியவந்தது.
தொடர்ந்து அவர் மீது வழக்குப்பதிவு செய்த போலீசார் கைது செய்து சிறையிலடைத்தனர். பட்டப்பகலில், ஆள் நடமாட்டம் மிகுந்த இடத்தில் பெண் ஒருவர் வியாபாரியின் முகத்தில் பூச்சி மருந்து அடித்து செயினை கொள்ளையடிக்க முயன்ற சம்பவம் அப்பகுதியில் பரபரப்பை ஏற்படுத்தியது.
மனதில் வாழும் கலைஞன் சின்ன கலைவாணர் என்று புகழப்படும் விவேக் இந்த உலகத்தை விட்டுச் சென்றிருந்தாலும் அவரது நினைவுகள் தமிழ்…
சென்னையில் செய்தியாளர்களை சந்தித்த விசிக லைவர் தொல் திருமாவளவன், அதிமுகவை வெகுவாக பாராட்டியுள்ளார். இதையும் படியுங்க: வக்பு மசோதாவுக்கு கனிமொழி,…
மெகா வசூல் பிரதீப் ரங்கநாதன் நடிப்பில் அஸ்வத் மாரிமுத்து இயக்கத்தில் கடந்த பிப்ரவரி மாதம் வெளியான “டிராகன்” திரைப்படம் வேற…
அவ்வப்போது பிரபலங்கள் ஏதாவது ஒரு கருத்தை செல்லி சர்ச்சையில் சிக்கிக்கொள்வது வழக்கம். அந்த வரிசையில் தற்போது சின்னத்திரை நடிகை சிக்கியுள்ளார்.…
கிருஷ்ணகிரி மாவட்டம் ஒசூர் அருகே உள்ள தனியார் மருத்துவக்கல்லூரி மருத்துவமனையில் அதிமுக மாநிலங்களவை எம்பி மு.தம்பிதுரை அவர்கள் பத்திரிகையாளர்களை சந்தித்து…
பராசக்தி ஹீரோ சுதா கொங்கரா இயக்கத்தில் சிவகார்த்திகேயன் நடித்து வரும் “பராசக்தி” திரைப்படத்தின் படப்பிடிப்பு மும்முரமாக நடைபெற்று வருகிறது. இத்திரைப்படத்தின்…
This website uses cookies.