புதிய கல்விக் கொள்கையை முழுவதுமாக படித்தால் தமிழகத்தில் அதனை ஏற்றுக் கொள்வார்கள் என்று தெலங்கானா ஆளுநர் தமிழிசை சௌந்தர்ராஜன் தெரிவித்துள்ளார்.
கும்பகோணம் அருகே 23 அடி உயரமுள்ள உலோகத்தால் ஆன சிவன் சிலையை தரிசனம் செய்ய சென்னையில் இருந்து விமானம் மூலம் திருச்சி வந்த தெலுங்கானா மற்றும் பாண்டிச்சேரி ஆளுநர் தமிழிசை சௌந்தர்ராஜன் செய்தியாளர்களை சந்தித்தார்.
அப்போது, மீண்டும் தமிழக அரசியலில் ஈடுபட வாய்ப்புள்ளதா என்ற கேள்விக்கு அவர் பதிலளித்ததாவது :- தற்போது ஆளுநராக உள்ளேன். அன்றைய பணியை சிறப்பாக செய்ய வேண்டும் என்று நினைப்பேன். வருங்காலத்தில் எனக்கு என்ன பணி இறைவன் வைத்துள்ளான் என்று தெரியவில்லை. ஆண்டவனும், ஆள்கிறவனும் எனக்கு என்ன பணி வைத்திருக்கிறார்கள் என்பது தெரியவில்லை.
தற்போது என்னுடைய ஆளுநர் பணியை தெலுங்கானாவிலும், பாண்டிச்சேரியிலும் முழுமையாக செய்து வருகிறேன். அவ்வப்போது தமிழகத்திற்கு சகோதரியாக வந்து செல்கிறேன், என்றார்.
இதைத் தொடர்ந்து, தெலுங்கானா அரசு உங்களை புறக்கணிப்பதாக சுட்டிக்காட்டி செய்தி (முரசொலி) வெளியாகியுள்ளதே என்ற கேள்விக்கு அவர் பதிலளித்ததாவது :- நான் அதை பற்றி கவலைப்படவில்லை. ஆனால் தமிழ்நாட்டில் உள்ள ஒரு கட்சி பத்திரிக்கை அவமதிக்கப்பட்டார் என்று எழுதியுள்ளது. “நான் என்றுமே அவமதிக்கப்படவுமில்லை, அலறவுமில்லை… எதைப் பார்த்தும் அலற மாட்டேன்…” புலியை முறத்தால் அடித்த தமிழச்சியின் பரம்பரையில் வந்தவள்.
மூன்றாண்டுகள் முடித்து நான்காம் ஆண்டில் அடி எடுத்து வைக்கிறேன். அதில் 6 மாவட்ட பழங்குடியின மக்களை தத்தெடுத்துள்ளேன். அவர்களுக்க கோழியின் முட்டைகள் வழங்கி ஊட்டச்சத்தை மேம்படுத்தி இருக்கிறேன். மருத்துவமனை, கல்லூரிகள், விடுதிகளுக்கு ஆய்வுக்கு செல்கிறேன். மக்களை, குறிப்பாக மகளிரை சந்திக்கிறேன். இப்படி நல்லது செய்து வருகிற போது ஆளுநர் இப்படியும் அவமதிக்கப்படுகிறார் என்று சொல்கிறார் என்றால், நான் அலறவோ, அழுகவோ கிடையாது. என்னை மதித்தாலும், மதிக்காவிட்டாலும் என் பணி தொடரும். அங்கு அவமரியாதை செய்யப்படுகிறார்கள் என்று இங்கு மகிழும் கூட்டம் இருக்கிறதே என்பது தான் ஆச்சரியம்.
புதிய கல்விக் கொள்கை நடைமுறைப்படுத்த மூன்று முறை துணை வேந்தர்கள் கூட்டத்தில் ஆலோசிக்கப்பட்டது. தெலுங்கானாவில் புதிய கல்வி கொள்ளை ஏற்றுக் கொள்ளப்பட்டுள்ளது. நடைமுறைப்படுத்த ஆரம்பிக்கப்பட்டுள்ளது. தேசிய கல்விக் கொள்கை பல லட்சம் ஆசிரியர்கள் கொண்டு உருவாக்கப்பட்டுள்ளது. கல்விக் கொள்கையில் உள்ள குறைபாடுகளை சுட்டிக் காட்டலாம்.
இதே மாநிலத்தில் உள்ள ஆசிரியர்களும் புதியக் கல்விக் கொள்கைக்கு கருத்து சொல்லி இருக்கிறார்கள். பெற்றோர்களும் கருத்துக்களை சொல்லியுள்ளனர். புதிய கல்விக் கொள்கையை பற்றி முழுவதுமாக தமிழக அரசு தெரிந்துகொண்டால் அதனை ஏற்றுக் கொள்வார்கள், என தெரிவித்தார்.
ஆளுநர் தமிழிசை சௌந்தர்ராஜனுக்குவிமான நிலையத்தில் திருச்சி மாவட்ட ஆட்சியர் பிரதீப்குமார் பூங்கொத்து கொடுத்து வரவேற்றார். அதனை தொடர்ந்து திருச்சி மாவட்ட பாரதிய ஜனதா கட்சியின் தலைவர் ராஜசேகர் மற்றும் கட்சியினர் அவருக்கு பொன்னாடை அணிவித்து வரவேற்றனர். திருச்சியில் இருந்து சாலை மார்க்கமாக கும்பகோணம் புறப்பட்டார்.
ஆந்திர துணை முதல்வரும் ஜனசேனா கட்சி தலைவருமான பவன் கல்யாண் தமிழகத்தில் ஆன்மீக பயணம் மேற்கொண்டு கடந்த பிப்ரவரி மாதம்…
நிறைவேற்றப்பட்ட வக்ஃபு வாரிய மசோதா இன்று மக்களவையில் ஒன்றிய பாஜக அரசால் வக்ஃபு வாரிய சட்டத் திருத்த மசோதா நிறைவேற்றப்பட்டுள்ளது.…
நஷ்டத்தில் தத்தளிக்கும் லைகா லைகா நிறுவனம் தமிழ் திரையுலகில் காலடி எடுத்து வைத்ததை தொடர்ந்து பல வெற்றித் திரைப்படங்களை கொடுத்தது.…
ஐபிஎல் 2025 தொடர் விறுவிறுப்பாக நடந்து வருகிறது. இதில் 10 அணிகளுக்கு இடையே நடந்து வரும் போட்டியில் புள்ளி பட்டியலில்…
கும்பமேளாவில் ருத்ராட்சை மாலை விற்றுக்கொண்டிருந்தவர் மோனாலிசா. இவரது புகைப்படம் இணையத்தில் படுவைலரானது. காரணம் பார்ப்பதற்கு நடிகை போலவும், கண்கள் பலரையும்…
மகனை இழந்த இமயம்… இயக்குனர் இமயம் பாரதிராஜாவின் மகனான மனோஜ் பாரதிராஜா கடந்த மார்ச் மாதம் 25 ஆம் தேதி…
This website uses cookies.