தேனியில் உள்ள கைலாசநாதர் கோவிலில் கார்த்திகை தீபத்தை யார் ஏற்றுவது என்பது தொடர்பாக ஓபிஎஸ் குடும்பத்தினருக்கும், திமுகவினருக்கும் இடையே வாக்குவாதம் ஏற்பட்டதால் பரபரப்பு ஏற்பட்டது.
அருகே உள்ள கைலாசபட்டி பகுதியில் உள்ள மலைப்பகுதியில் கைலாசநாதர் திருக்கோயில் அமைந்துள்ளது. பல ஆண்டுகளாக இந்தக் கோவில் பாழடைந்து கிடந்த நிலையில், 2002ம் ஆண்டு ஓபிஎஸ் அமைச்சரான போது, இந்தக் கோயில் புனரமைப்பு பணிகள் மேற்கொள்ளப்பட்டு, சாலைகள் அமைக்கப்பட்டு, 2012ஆம் ஆண்டு கும்பாபிஷேகம் நடைபெற்றது.
இதன் காரணமாக, கடந்த 14 ஆண்டுகளாக கார்த்திகை தீபத்திருவிழாவின் போது, ஓபிஎஸ் குடும்பத்தினர், இந்தக் கோவிலில் தீபம் ஏற்றி வந்தனர். இந்து சமய அறநிலையத்துறை கட்டுப்பாட்டில் இருந்தாலும், கார்த்திகை தீபத்திருவிழாவின் போது, கோவில் செலவுகளை ஓபிஎஸ் மற்றும் அவர்களின் குடும்பத்தினர் மட்டுமே ஏற்று செய்து வந்ததாகவும் கூறப்படுகிறது.
தற்போது, ஆட்சி மாற்றம் ஏற்பட்ட நிலையில், இந்து அறநிலையத்துறையின் கட்டுப்பாட்டின் கீழ் உள்ள கைலாசநாதர் திருக்கோயிலில் ஓபிஎஸ் குடும்பத்தினர் தீபம் ஏற்றக் கூடாது என்று திமுகவைச் சேர்ந்த தேனி வடக்கு மாவட்ட செயலாளர் தங்க தமிழ்செல்வன், பெரியகுளம் சட்டமன்ற உறுப்பினர் சரவணகுமார் ஆகியோர் இந்து சமய அறநிலைத்துறை அதிகாரிகளிடம் மனு அளித்தனர்.
இந்த நிலையில், நேற்று வழக்கம் போல கார்த்திகை தீபத்தை முன்னிட்டு கைலாசநாதர் கோவிலில் தீபத்தை ஏற்ற ஓபிஎஸ் குடும்பத்தினர் கோவிலுக்கு சென்றனர். ஆனால், பெரியகுளம் பாலசுப்ரமணியர் திருக்கோவில் செயல் அலுவலர் ராம திலகம் என்ற பெண் செயல் அலுவலரை, கார்த்திகை தீபம் ஏற்ற திமுகவினர் மேடை ஏற்றி நிறுத்தினர்.
அதே சமயம், ஓபிஎஸின் இளைய மகன் ஜெயப்பிரதீப்புக்கு பரிவட்டம் கட்டப்பட்டதற்கு தங்கத்தமிழ்செல்வன் மற்றும் பெரியகுளம் சட்டமன்ற உறுப்பினர் உள்ளிட்ட திமுகவினர் கடும் எதிர்ப்பு தெரிவித்தனர். அப்போது, ஓபிஎஸ் குடும்பத்தினருக்கும், திமுகவினருக்கும் இடையே வாக்குவாதம் ஏற்பட்டது.
இதனிடையே, கோவில் பூசாரி கார்த்திகை தீபம் ஏற்றுவதற்காக தீபத்துடனும், செயல் அலுவலர் கார்த்திகை தீபம் ஏற்ற தீ பந்தத்துடனும் நின்ற இருவருக்குமிடையே போட்டி ஏற்பட்டது. அப்போது, கோவில் பூசாரி கார்த்திகை தீபம் ஏற்ற முற்பட்ட போது, பெரியகுளம் திமுக எம்எல்ஏ பூசாரியின் வேட்டியை பிடித்து பின்னே இழுத்துக் கொண்டிருந்தார். இதனால், தள்ளுமுள்ளு ஏற்பட்டது.
இறுதியாக ஓபிஎஸ் மகன் ஜெயபிரதீப் கையில் வைத்திருந்த விளக்கை பெற்று, கார்த்திகை தீபத்தை ஏற்றி வைத்தார் கோவில் பூசாரி. இதனால், ஆத்திரமடைந்த தங்க தமிழ்ச்செல்வன், பெரியகுளம் சட்டமன்ற உறுப்பினர் சரவணகுமார் மற்றும் திமுகவினர் ஓபிஎஸ் தரப்பினர் இடையே வாக்குவாதத்தில் ஈடுபட்டு பின்பு அந்த இடத்தை விட்டு ஆவேசமாக கிளம்பிச் சென்றனர்.
இதனைத் தொடர்ந்து அதிமுக ஒருங்கிணைப்பாளர் ஓ.பன்னீர்செல்வம் கைலாசநாதர் திருக்கோவிலுக்கு வந்து கார்த்திகை தீபம் ஏற்றப்பட்ட கொப்பறையில் ஒரு குடம் நெய் ஊற்றி கார்த்திகை தீபத்தை வழிபட்டு பின்பு கைலாசநாதர் சாமி தரிசனம் செய்தார்.
மனதில் வாழும் கலைஞன் சின்ன கலைவாணர் என்று புகழப்படும் விவேக் இந்த உலகத்தை விட்டுச் சென்றிருந்தாலும் அவரது நினைவுகள் தமிழ்…
சென்னையில் செய்தியாளர்களை சந்தித்த விசிக லைவர் தொல் திருமாவளவன், அதிமுகவை வெகுவாக பாராட்டியுள்ளார். இதையும் படியுங்க: வக்பு மசோதாவுக்கு கனிமொழி,…
மெகா வசூல் பிரதீப் ரங்கநாதன் நடிப்பில் அஸ்வத் மாரிமுத்து இயக்கத்தில் கடந்த பிப்ரவரி மாதம் வெளியான “டிராகன்” திரைப்படம் வேற…
அவ்வப்போது பிரபலங்கள் ஏதாவது ஒரு கருத்தை செல்லி சர்ச்சையில் சிக்கிக்கொள்வது வழக்கம். அந்த வரிசையில் தற்போது சின்னத்திரை நடிகை சிக்கியுள்ளார்.…
கிருஷ்ணகிரி மாவட்டம் ஒசூர் அருகே உள்ள தனியார் மருத்துவக்கல்லூரி மருத்துவமனையில் அதிமுக மாநிலங்களவை எம்பி மு.தம்பிதுரை அவர்கள் பத்திரிகையாளர்களை சந்தித்து…
பராசக்தி ஹீரோ சுதா கொங்கரா இயக்கத்தில் சிவகார்த்திகேயன் நடித்து வரும் “பராசக்தி” திரைப்படத்தின் படப்பிடிப்பு மும்முரமாக நடைபெற்று வருகிறது. இத்திரைப்படத்தின்…
This website uses cookies.