பூமியில் இருந்து சுமார் 260 மைல் தொலைவில் இருந்துகொண்டு தனது தீபாவளி வாழ்த்துகளை சுனிதா வில்லியம்ஸ் தெரிவித்து உள்ளார்.
கலிபோர்னியா: கடந்த சில மாதங்களுக்கு முன்பு, இந்திய வம்சாவளியைச் சேர்ந்த விண்வெளி வீராங்கனை சுனிதா வில்லியம்ஸ், விண்வெளி வீரர் புட்ச் வில்மோர் ஆகியோர் விண்வெளி ஆய்வுகளை மேற்கொள்ள சர்வதேச விண்வெளி மையத்திற்கு சென்றனர். இந்த பயணத் திட்டம் 8 நாட்களாக இருந்தது. ஆனால், சில வானிலை மாற்றங்கள் மற்றும் தொழில்நுட்ப காரணங்கள் காரணமாக 8 நாள் பயணம், 8 மாதங்களாக நீண்டது. இதனிடையே, சுனிதா வில்லியம்ஸ் உட்பட இருவரை அழைப்பதற்காகச் சென்ற ஸ்பேஸ் எக்ஸ் நிறுவனத்தின் போயிங் விமானம், ஹீலியம் உள்ளிட்ட தொழில்நுட்பக் குறைபாட்டால் மீண்டும் பூமிக்கே திரும்பியது. இதனால் இருவரும் சர்வதேச விண்வெளி மையத்தில் இருந்தே ஆராய்ச்சிப் பணிகளை மேற்கொண்டு வருகின்றனர்.
இந்த நிலையில், நாளை மறுநாள் (அக்.31) தீபாவளி பண்டிகை கொண்டாடப்பட உள்ளது. மேலும், இந்த நிலையில், சர்வதேச விண்வெளி மையத்தில் இருந்து சுனிதா வில்லியம்ஸ் வீடியோ ஒன்றை வெளியிட்டுள்ளார். அதில், ” சர்வதேச விண்வெளி மையத்தில் இருந்து தீபாவளி வாழ்த்துக்கள். இன்று வெள்ளை மாளிகையிலும், உலகெங்கிலும் தீபாவளி பண்டிகையைக் கொண்டாடும் அனைவருக்கும் எனது இனிய தீபாவளி வாழ்த்துக்களைத் தெரிவிக்க விரும்புகிறேன்.
இந்த ஆண்டு சர்வதேச விண்வெளி நிலையத்தில், பூமியில் இருந்து 260 மைல்களுக்கு அப்பால் தீபாவளியைக் கொண்டாடும் தனித்துவமிக்க வாய்ப்பு எனக்கு கிடைத்துள்ளது. தீபாவளி மற்றும் பிற இந்தியப் பண்டிகைகளைப் பற்றி எங்களுக்கு கற்பிப்பதன் மூலம், எனது அப்பா, தனது கலாச்சார வேர்களைப் பகிர்ந்து கொண்டார்.
மேலும், தீபாவளி பண்டிகையில் பங்கேற்றதற்காகவும், சமூகத்தின் பங்களிப்பை அங்கீகரித்ததற்காகவும் அமெரிக்க அதிபர் ஜோ பைடன் மற்றும் துணை அதிபர் கமலா ஹாரிஸ் ஆகியோருக்கும் நன்றி” எனக் கூறியுள்ளார். தற்போது இது தொடர்பான வீடியோ பகிரப்பட்டு வருகிறது. அதில், தங்களது தீபாவளி வாழ்த்துகளை பலரும் பகிர்ந்த நிலையில், விரைவில் நல்ல உடல் நலத்துடன் பூமிக்கு திரும்ப வேண்டும் எனவும் சுனிதா வில்லியம்ஸ்க்கு தங்களது வாழ்த்துக்களைத் தெரிவித்து உள்ளனர். மேலும், இவர்கள் அடுத்த ஆண்டு பிப்ரவரியில் பூமிக்கு திரும்புவர் என நாசா தெரிவித்து உள்ளது.
இதையும் படிங்க : வெப்ப அலை மாநில பேரிடராக அறிவிப்பு!
2026 தேர்தலுக்கு மீண்டும் பாஜக உடன் கூட்டணி அமைத்தால், அண்ணாமலையை தலைமைப் பொறுப்பில் இருந்து எடுக்க அதிமுக வலியுறுத்தி வருவதாக…
கோவையில், கள்ளக்காதலில் இருந்த பெண்ணுக்கு பிறக்கும் குழந்தையை தவிக்கவிட்டு சென்ற நபரை போலீசார் தேடி வருகின்றனர். கோயம்புத்தூர்: கோயம்புத்தூர் மாவட்டம்,…
இயக்குனர் இமயம் பாரதிராஜாவின் ஒரே ஒரு மகனான மனோஜ் பாரதி ராஜா நேற்று திடீர் மரணமடைந்தது திரையுலகினரை சோகத்தில் ஆழ்த்தியுள்ளது.…
சென்னையில், பெண்ணுடன் நெருக்கமாக இருந்த புகைப்படம், வீடியோக்களை உறவினர்களுக்கு அனுப்பிய காவலர் கைது செய்யப்பட்டுள்ளார். சென்னை: சென்னை மாநகரின் கோயம்பேடு…
கத்தி முடினையில் இளம்பெண்ணை கற்பழித்த போதை ஆசாமி வீடியோ எடுத்து மிரட்டி தொடர்ந்து டார்ச்சர் கொடுத்துள்ள சம்பவம் வெளிச்சத்திற்கு வந்துள்ளது.…
கோவை சுந்தராபுரம் அருகே செட்டிபாளையம் ரோடு - ஈச்சனாரி சாலை சந்திப்பில் சிமெண்ட் மற்றும் கட்டிட பொருட்கள் விற்பனை கடை…
This website uses cookies.